Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын Ҝилан вилајәтинин Ислам Шурасы Мәҹлисиндәки –парламент нүмајәндәләри фраксијасынын сәдри Бакыја олан сәфәри заманы Астара сакинләри үчүн 45 километрлик виза режиминин бәрпа едилмәсини ҝүндәмә ҝәтириб.
Вәли Дадаши Иран - Азәрбајҹан Парламентләрарасы достлуг групунун сәдр мүавини Елдар Ибраһимов илә ҝөрүшдә икитәрәфли әлагәләрдәки сон дуруму мүзакирә едәрәк, парламентләрарасы әмәкдашлыглар, јүксәк сәвијјәли нүмајәндә һејәтләринин мүбадиләси һабелә, бирҝә игтисади әмәкдашлыг комиссијасынын ҝүндәминдә дуран мәсәләләри арашдырыб.
Иран Астарасынын Иран Парламентиндәки нүмајәндәси икитәрәфли әлагәләрин ҝенишләндирилмәсиндә парламентләрарасы достлуг групунун ролуна тәкид едиб.
Дадаши Азәрбајҹан Республикасы Дәмир Јоллары Идарәсинин иҹрачы мүдири Ҹавад Гурбанов илә дә ҝөрүшдә јүкләрин дашынмасында дәмир јолунун өнәминә тәкид едәрәк, Шимал-Ҹәнуб нәглијјат маршрутунун тәкмилләшдирилмәси просесинин сүрәтләндирилмәсини вә Рәшт-Астара дәмир јолунун гурашдырылмасы әмәлијјатында Азәрбајҹанын даһа актив рол ојнамасыны истәјиб.
Диггәт: Хәбәрдән истифадә етдикдә мәнбәјә истинад лазымдыр
