Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, илин әввәлиндән Азәрбајҹан әһалисинин сајы 69 мин 645 нәфәр артараг 2018-ҹи ил нојабр ајынын 1-и вәзијјәтинә ҝөрә 9 милјон 967 мин 730 нәфәрә чатыб.
Өлкә әразисиндә бир квадрат километрә дүшән әһали сајы 115 нәфәр олуб.
Әһалинин 52,9 фаизи шәһәр, 47,1 фаизини кәнд сакинләридир. Азәрбајҹан вәтәндашларынын 49,9 фаизини кишиләр, 50,1 фаизини исә гадынлар тәшкил едир.
Тәкҹә бу илин јанвар-октјабр ајларында Әдлијјә Назирлијинин гејдијјат шөбәләри тәрәфиндән 116 мин 365 доғулан көрпә гејдә алыныб вә әһалинин һәр 1000 нәфәринә бу ҝөстәриҹи 14,2 тәшкил едиб.
Көрпәләрин 53,3 фаизи оғлан, 46,7 фаизи исә гыз ушагларыдыр. Доғулан көрпәләрдән әкизләрин сајы 2236, үчәмләрин сајы исә 96 олуб.
Диггәт: Хәбәрдән истифадә етдикдә мәнбәјә истинад лазымдыр
