Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүмдүнја Мүсәлманларынын Али Лидери һәзрәт Ајәтуллаһ Сејјид Әли Хаменеи ҹәнаблары Иран Ислам Республикасы гурулушунун мәсул шәхсләриндән бир групу, ислами өлкәләрин сәфирләри, 32-ҹи Бејнәлхалг Ислами Вәһдәт Конфрансынын гонаглары вә халгын мүхтәлиф тәбәгәләриндән бир групу илә ҝөрүшдә зијалылара вә дин алимләринә хитабән вурғулајыблар: Баҹардығыныз гәдәр реҝионда мүгавимәт вә ислами ојаныш һәрәкәтини ҝүҹләндирин, зира реҝионун јеҝанә ниҹат јолу, бу тәфәккүр вә әһвал-руһијјәнин ҝенишләнмәсидир.
Имам Хаменеи ҹәнаблары хариҹи гүдрәтләрин мүсәлман халгларын ојанышындан горхмаларына ишарә едәрәк, дејибләр: "Исламын инсанларын гәлбләри вә руһларына һаким кәсилдији һәр јердә дүнјанын залым гүввәләри ағыр зәрбә алыб вә бир даһа бу реҝионда ағыр зәрбәләрә мәруз галаҹагдыр."
Ислам вә Гурана табе олмаг әвәзинә, Американын далынҹа дүшән бәзи реҝион өлкәләринә ишарә едәрән һәзрәт Ајәтуллаһ Хаменеи белә гејд едибләр: "Америка өз империалист тәбиәтинә ҝөрә, бу өлкәләри тәһгир едир вә һамынын ҝөрдүјү кими Американын бошбоғаз президенти сәуд һөкмранларыны "сүдлүк инәј"ә бәнзәтди."
Ислам Ингилабынын Бөјүк Рәһбәри бу кими тәһгирләри Әрәбистан халгына вә реҝионун мүсәлман халгларына гаршы һөрмәтсизлик адландырыб вә белә әлавә едибләр: "Бәзи ислами өлкәләрин һөкмранлары Фәләстин вә Јәмәндәки ики ҹинајәткар һәрәкәтдә Америкаја гошулдулар, амма мүтләг гәләбә, Фәләстин халгы вә Јәмән халгы илә олаҹаг вә Америка вә онун далынҹа дүшәнләр бу мәсәләләрдә мәғлубијјәтә уғрајаҹаглар."
Һәзрәт Ајәтуллаһулузма Хаменеи Америка вә сионист режимин реҝиондакы гүдрәтләрини әввәлкиндән чох зәиф адландырыб вә белә дејибләр: Сионист режим бир нечә ил бундан өнҹә 33 ҝүндән сонра Ливан Һизбуллаһы гаршысында мәғлуб олду, ики ил сонра фәләстинлиләр гаршысында тәкҹә 22 ҝүн давам ҝәтирди ки, бу мүддәт сонракы Гәззә мүһарибәсиндә 8 ҝүнә чеврилди вә өтән һәфтә Фәләстин мүгавимәти гаршысында ики ҝүндән сонра мәғлубијјәтә уғрады ки, бүтүн бу һаллар сионист режимин ҝүнбәҝүн артан зәифлијинин нишанәсидир.
Ислам Ингилабынын Бөјүк Рәһбәри һәмчинин бүтүн чәтинликләрә вә тәзјигләрә рәғмән, Иран халгынын 40 ил мүгавимәт ҝөстәрмәсинә ишарә едәрәк, вурғулајыблар: Америка вә сионист режим гәләт еләјирләр, Иран халгыны тәһдид едирләр
Диггәт: Хәбәрдән истифадә етдикдә мәнбәјә истинад лазымдыр
