Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ишғалчы сионист режиминин Гәззә Золағына башлатдығы ракет мүһарибәсиндән сонра Фәләстин Мүгавимәт Дәстәләри Ливан Һизбуллаһ Мүгавимәт Һәракатынын васитәсилә Иран Ислам Республикасындан алдыглары јени ракет системи илә Исраил тәрәфинә 600 ракет атыб.
Ишғалчы сионист режиминин "Дәмир гүббә" адлы һавадан мүдафиә системи бу ракетләрин бөјүк бир гисмини зәрәрсизләшдирә билмәјиб. Белә ки, ишғалчы режим ордусу да ракетләрин гаршысынын алынмадығыны етираф едиб.
Сионист Исраил режиминин ордусундан верилән ачыгламада "Дәмир гүббә" мүдафиә системинин атылан ракетдән, јалныз 100-нү зәрәрсизләшдирә билдији дејилиб. Ишғалчы Исраил режим ордусунун сөзчүсү Ҹонатан Ҹонриҹус билдириб ки, фәләстинлиләр ракет технолоҝијасыны јениләјибләр.
"Дәмир гүббә" мүдафиә системинин јарылмасы Фәләстини ишғал етмиш ҹүһүдләри гәзәбләндириб. Гәзза јахынлығында мәскунлашан јәһудиләр Исраил һөкумәтинә етираз едибләр. Онлар һөкумәт әлејһинә шүарлар сәсләндирәрәк машын тәкәләрини јандырыб вә Бенјамин Нетанјаһо реимини јетәрли тәдбир ҝөрмәмәкдә иттиһам едирләр.
Гәззәлиләрин ракет һүҹумлары сәбәбиндән Русија, Азәрбајҹан, АБШ, Авропа, Асија вә Африка өлкәләриндән Фәләстин торпагларына көчүрүлмүш јүзләрлә јәһуди тәһлүкәли бөлҝәләрдән көч едиб. Евләрини тәрк едән јәһудиләр Исраил һөкумәтинин атәшкәс елан етмәсинин утанҹвериҹи олдуғуну да гејд едибләр.
Диггәт: Хәбәрдән истифадә етдикдә мәнбәјә истинад лазымдыр
