Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Түркијәдә тикә-тикә доғранылараг гәтлә јетирилән сәудијјәли журналист Ҹамал Гашыгчынын һәјатынын сон дәгигәләриндә дедикләри мәлум олуб.
Бу барәдә материалы “Әл-Ҹәзирә” телеканалына Түркијәнин “Даилј Сабаһ” гәзетинин мүхбири Назиф Караман өтүрүб.
Аудиојазыдан бәлли олур ки, Гашыгчы һәјатынын сон дәгигәләриндә “Боғулурам... Бу чувалы башымдан чыхарын, клаустрофобијам вар” сөзләри дејир.
Караман билдириб ки, журналистин гәтли 7 дәгигә давам едиб. Онун сөзләринә ҝөрә, сәудијәли киллерләр Гашыгчыны тикә-тикә доғрадыглары заман ганы јерә төкүләрәк ҹинајәт изинин галмамасы үчүн отаг дахилинә пластиҹ кисәләр сәрибләр.
Гашыгчынын хүсуси доктор Сәлаһ Тәбигинин васитәси илә тикә тикә доғранылмасы ҹәми 15 дәгигә чәкиб. Доғранылмыш тикәләр исә ајры-ајрылыгда 5 бөјүк чамаданлара јығылараг Әрәбистан консуллуғунун машынына јерләшдирилиб.
Гејд едәк ки, 59 јашлы Ҹамал Гашыгчы, Сәудијјә Әрәбистанынын Јәмәндә кимјәви силаһлардан истифадә етдијинә даир хејли сајда сәнәдләр әлдә едибмиш. Лакин бу сәнәдләри ифша етмәк истәдикдә 10 Октјабр 2018 тарихдә Әрәбистанын Түркијәдәки консуллуг бинасы дахилиндә сәудијјә режими тәрәфиндән амансызҹасына гәтлә јетирилмишдир..
Диггәт: Хәбәрдән истифадә етдикдә мәнбәјә истинад лазымдыр
