Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АБШ-ын рәһбәрлик етдији ИШИД-ә гаршы бејнәлхалг коалисија гүввәләринин февралын 27-си ҝеҹә саатларында Дејр әз-Зор бөлҝәсинә тәшкил етдији һүҹумларда ән аз 24 динҹ сакинин һәлак олдуғу билдирилиб.
Мәлумата ҝөрә, дөјүш тәјјарәләринин гачгынларын јерләшдији бөлҝәни һәдәфә алдығы билдирилир.
АБШ коалисијасына мәхсусу дөјүш тәјјарәләри февралын 25-индә 29 нәфәри өлдүрмүшдү. Сурија һөкумәти дә БМТ вә Тәһлүкәсизлик Шурасына ајры-ајры мәктуб ҝөндәрәрәк, Америка вә диҝәр өлкәләрин бу ҹинајәтләрини гынамышды.
Коалисија Суријада вә Ирагда ИШИД-ә гаршы әмәлијјатлар һәјата кечирир. Ирагдакы әмәлијјатлар Бағдадын разылығы чәрчивәсиндә апарылса да, Суријада Дәмәшг вә ја БМТ Тәһлүкәсизлик Шурасы тәрәфиндән сәлаһијјәт верилмәјиб.
Коалисија бир нечә ҝүн әввәл Дејр Әз-Зорда 12 динҹ сакинин һәлак олмасы илә нәтиҹәләнән һава һүҹуму реаллашдырмышды.
Коалисија Ираг вә Суријада индијә гәдәр һәјата кечирилән һүҹумларда ән азы 841 динҹ вәтәндашын өлдүјүнү дә гәбул етмишди.
Диггәт: Хәбәрдән истифадә етдикдә мәнбәјә истинад лазымдыр
