Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сурија Президенти Бәшшар Әсәдин мүшавири сионист режим, АБШ вә Түркијә дә дахил олмагла һәр ҹүр тәҹавүзкарла мүбаризәјә давам едәҹәкләрини билдириб.
Бу барәдә Бусејна Шабан Москвада "Валдај Мүзакирә Клубу"нда кечирилән Јахын Шәрг мөвзусунда конфрансда журналистләрин суалларыны ҹавабландыраркән гејд едиб.
Бәшшар Әсәдин мүшавири Бусејна Шабан Суријанын Африндә кечирилән Зејтун будағы әмәлијјатыны Түркијә илә мүзакирә едиб-етмәдији суалына "Хејр", - ҹавабыны вериб.
Шабан Түркијәнин Астана просесини Суријадакы ишғалы давам етдирмәк үчүн истифадә етдијини дә өнә сүрүб.
"Түркијә Суријада ишғалчы вәзијјәтиндәдир вә Астана мүгавиләләри тәтбиг етмир. Анкара мүгавиләләри зоракылығыны ҝизләтмәк үчүн истифадә едир", - дејән Шабан Түркијәнин һәрәкәтләринин Русијанын Суријанын әрази бүтөвлүјүнү горумаг сәјләријлә зидд олдуғуну гејд едиб.
Диггәт: Хәбәрдән истифадә етдикдә мәнбәјә истинад лазымдыр
