Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Human Rightc Watch Тәшкилатынын (HRW) Мјанманын гәрбиндә јерләшән бәзи мүсәлман кәндләрин сакинләринин орду вә буддистләр тәрәфиндән гәтлиам олундуғуну дејиб.
HRW-нин дәрҹ етдији “Чај саһилиндә гәтлиам: Мјанма ордусунун Тула Толидә төрәтдији бәшәри ҹинајәтләр” адлы һесабатына ҝөрә, Араканын Тула Толи кәндиндән Бангладешә гачан 18 вә бөлҝәдән гачан 200 роһингјалы мүсәлманла апарылан мүсаһибәләр, Мјанма ордусунун бөлҝәдә төрәтдији гәтлиамы иҹтимаиләшдириб.
Шаһидләр Тула Толијә һүҹум едән Мјанма әсҝәрләринин кәндлиләри чај саһилинә апардығыны, гадын вә ушаглардан ајырдыглары кишиләри өлдүрәрәк, күтләви шәкилдә чухурлара атдыгларыны, үстләринә бензин төкүб јандырдыгларыны дејибләр. Онлар әсҝәрләрин гадын вә ушаглара күтләви шәкилдә, дәфәләрлә тәҹавүз етдикләрини, бәзи ушаглары да аналарындан ајырараг ода атдыгларыны билдирибләр.
Бундан башга, Мјанма әсҝәрләринин кәндләри јандырдығыны, тәҹавүз етдикләри гадынлары ода атараг, евләрә бағлајараг јандырдыгларыны гејд едибләр.
Сәрһәдсиз Һәкимләр (МСФ) тәшкилаты кечән һәфтә вердији бәјанатында, августун 25-дән етибарән тәҹавүзкарлығын тәкҹә илк ајында 6700 мүсәлманын өлдүрүлдүјүнү ачыгламышды.
Диггәт: Хәбәрдән истифадә етдикдә мәнбәјә истинад лазымдыр
