Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, нојабрын 23-дә Инҝилтәрәнин "Тһе Неw Јорк Тимес" гәзетинә мүсаһибә верән заман Үмүмдүнја Мүсәлманларынын Али Лидери Ајәтуллаһ Хаменеи ҹәнабларыны тәһгир едәрәк "Јахын Шәргин Һитлери" адландыран Сәудијјәнин вәлиәһд шаһзадәсинин сөзләри Фәләстин торпагларыны ишғал етмиш Исраил режиминин рабитә назири Ејјуб Гаранын хошуна ҝәлиб.
Ганунсуз исраил режим назири бу барәдә шәхси "Тwиттер" һесабында јазыб.
Ејјуб Гара тәһлүкәнин Исраил сәрһәдләринә доғру ҝәлдијинә диггәт чәкәрәк, "Сәудијјә вәлиәһдинин сөзләринә гатылырам. Иранын дини лидери һәгигәтән дә јени Һитлердир. Дүнја Суријада башлајан јени Һолокосту дајандырмаг үчүн бирләшмәлидир вә биз әзмлә буна гаршы чыхмасаг, бунларын һарада битәҹәјини дејә билмәрәк" , - дејә гејд едәрәк нараһатлығыны ифадә едиб.
Дүнән Сәудијјә вәлиәһдинин ишләтдији ифадәјлә бағлы Иран Ислам Республикасынын дөвләт телевизијасына ачыглама верән Иран Хариҹи Ишләр Назирлијинин мәтбуат катиби Бәһрам Гасыми Мәһәммәд ибн Салманы "јеткинлик јашына чатмајан фәрд" вә "зәиф дүшүнҹәли инсан" адландырмыш, она бејнәлхалг аренада һеч кәсин етимады ҝөстәрмәдијини гејд едәрәк, сөзләрини "бош" вә "әһәмијјәтсиз" адландырмышды.
Мәсәләјә мүнасибәт билдирән сосиал медиа истифадәчиләри исә Сәудијјә вәлиәһдинин сөзләринин истеһза илә гаршылајараг, ишләтдији ифадәнин әслиндә өзүнә аид олдуғуну билдириб, краллыг режимини террор тәшкилатларына вердији идеоложи вә мадди дәстәји кәсмәјә, ејни заманда 2015-ҹи илдән бәри Јәмәнә гаршы башладылан вә он минләрлә инсанын өлүмүнә, милјонларла инсанын вәба хәстәлијинә тутулмасына сәбәб олан мүһарибәни дајандырмаға сәсләмишдиләр.
Хатырладаг ки, Ејјуб Гара нојабрын 13-дә Сәудијјә Әрәбистанынын баш мүфтиси Әбдүләзиз Әли Шејхә ҺӘМАС вә "Һизбуллаһ" мүгавимәт һәрәкатлары әлејһинә фәтва верәрәк, Исраилә гаршы вурушмағы һарам билән фәтва вердији үчүн тәшәккүрүнү билдирәрәк, ону ганунсуз режим олан исраилә дәвәт етмишди.
Диггәт: Хәбәрдән истифадә етдикдә мәнбәјә истинад лазымдыр
