Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сәудијјә Әрәбистанынын баш мүфтиси вә үләма һејәтинин рәһбәри Әбдүләзиз Али Шејх галмагаллы ачыглама илә чыхыш едиб. Белә ки, вәһаби мүфти "Әл-Әгса" мәсҹиди әтрафында јаранан проблемләр заманы иштирак етдији телевизија програмында гејд едиб ки, Исраилә гаршы мүһарибә етмәк һарамдыр.
О, һәмчинин Фәләстинин азадлығы уғрунда мүбаризә апаран Һәмас һәрәкатыны террор тәшкилаты адландырараг дејиб: “Һизбуллаһ тәшкилатына гаршы мүбаризә апармаг үчүн Исраилә дәстәк верә биләрик.”
Гејд едәк ки, Сәудијјә баш мүфтисинин бу ачыгламасы Исраил режиминдә мүсбәт гаршыланыб. Исаилин рабитә назири Ејјуб Кара вәһаби мүфтинин бу чыхышыны дәстәкләјиб вә ону өлкәсинә дәвәт едиб: "Сәудијјә Әрәбистаны мүфтиси Әбдүләзиз Али Шејхи јәһудиләрә гаршы дөјүшмәји вә онлары өлдүрмәји гадаған едән фәтвасына ҝөрә тәбрик едирик. Али Шејх, Һәмасын террор тәшкилаты олдуғуну вә фәләстинлиләрә зәрәр вердијини, "Әл-Әгса"да кечирилән аксијаларын иғтишаш олдуғуну вә Һизбуллаһы јох етмәк үчүн Исраил ордусу илә әмәкдашлыг едә биләҹәјини дејиб. Мән мүфтини Исраили зијарәт етмәјә дәвәт едирәм, о, јүксәк сәвијјәдә гаршыланаҹаг".
Диггәт: Хәбәрдән истифадә етдикдә мәнбәјә истинад лазымдыр
