Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мјанманын Аракан әјаләтиндә орду вә буддист милләтчиләрин һүҹумларындан гачараг Бангладешә сығынан мүсәлманларын сајы 73 минә чатыб.
Бу барәдә БМТ-нин Гачгынлар үзрә Али Комиссарлығынын мәлуматында билдирилир.
Гурумун Бангладешдәки нүмајәндәси Вивиан Танын сөзләринә ҝөрә, бу рәгәм мүсәлманлара һүҹумларын башладығы 25 август тарихиндән бу јана һесабланыб.
Мјанма ордусунун Аракана һүҹумлары нәтиҹәсиндә 60-дан чох кәнд һәдәфә алыныб, онларла кәнд јандырылыб, чохлу сајда динҹ мүсәлман гәтлә јетирилиб.
Һазырда Аракандан гачан онминләрлә мүсәлман Бангладеш сәрһәдинә топлашыб.
Мјанма һөкумәтинин бејнәлхалг тәшкилатларын бөлҝәјә ҝиришинә иҹазә вермәмәси сәбәбиндән өләнләрин дәгиг сајыны мүәјјән етмәк мүмкүн дејил.
Диггәт: Хәбәрдән истифадә етдикдә мәнбәјә истинад лазымдыр
