Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Милли Мәҹлисин депутаты Елман Мәммәдов чох мараглы вә парадоксал бир ачыглама вериб. Белә ки, Азәрбајҹанын абарҝен халгларыны о ҹүмләдән Талыш халгынын милли кимлијини мәһвә сүрүкләјән режимин депутаты ермәниләрә вәтәндашлыг верә биләҹәкләрини дејиб.
Е.Мәммәдов билдириб ки, Дағлыг Гарабағ мүнагишәси башлајана гәдәр орада јашајан ермәниләр Азәрбајҹан ганунлары илә јашајырдылар. Онун сөзләринә ҝөрә, әҝәр инди дә онлар Азәрбајҹан ганунларыны гәбул едиб өлкә конститусијасына риајәт едәрләрсә, биз һәмин ермәниләрә ганун чәрчивәсиндә вәтәндашлыг верә биләрик.
“Тәбии ки, онларын ичәрисиндә Серж Саркисјан, Роберт Көчәрјан кими гаты ҹинајәткарлар вар. О ҹинајәт төрәдәнләр өз әмәлләринә ҝөрә ҹәзаларыны алаҹаглар. Анҹаг азәрбајҹанлылара гаршы төрәдилән ҹинајәтләрдә әли олмајан Гарабағ ермәниләри өлкәмизин ганунлары чәрчивәсиндә јашамаг истәјирләрсә, дөвләтимиз буна һазырдыр. Әсас мәсәлә будур ки, Гарабағ ермәниләри Азәрбајҹанын әрази бүтөвлүјүнү танысынлар вә өлкәмизин ганунларыны гәбул етсинләр. Һесаб едирәм ки, Гарабағ ермәниләри ҝеҹ-тез Азәрбајҹан ганунлары әсасында јашајаҹаглар”, – дејә Е.Мәммәдов гејд едиб.
Диггәт: Хәбәрдән истифадә етдикдә мәнбәјә истинад лазымдыр
