Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Пакистан ордусунун екс командири ҝенерал Мирза Әсләм Бәј “Парс тудај”-ә мараглы вә ејни заманда реаллығы әкс етдирән бир ачыглама вериб.
Пакистанын стратежик мүталиәләр мәркәзинин сәдри вердији ачыгламада билдириб ки, АБШ-а проблемләр јашадан јеҝанә өлкә мәһз Иран Ислам Республикасыдыр.
О, өлкәсинин узун илләрдир мүстәгил олмасына бахмајараг һәлә дә ингилаби амалларына чатмадығыны етираф едәрәк дејиб: “Тәәссүф олсун ки, мүстәгиллијимиздән 70 ил кечмәсинә бахмајараг һәлә дә там мәнада мүстәгил олмамышыг. Амма узун тарихә саһиб олан Иран “Ислам Ингилабынын Гәләбәси” илә һәгиги шәхсијјәтини ҝери газанды. Бу ҝүн Иран тарихи вә дини шәхсијјәти илә империализмин өнүндә дик дура билиб.”
Мирза Әсләм Бәј даһа сонра ифадәләринә әлавә едәрәк билдириб: “Халгына, идеолоҝијасына вә рәһбәрләринә сөјкәнәрәк АБШ-а ҹидди проблем јашадан јеҝанә өлкә Ирандыр. Пакистанын сабитсизлик вә зәифчилијнин сәбәби идарәчиликдә олан јанлышлыглар вә даим АБШ-а бағлы олмасыдыр.”
Диггәт: Хәбәрдән истифадә етдикдә мәнбәјә истинад лазымдыр
