Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Намаз мәһбусу Шејх Сәрдар Һаҹыһәсәнли һаггында һазырланан бу филмдә онун ушаглығы, мәктәб илләри, ибтидаи дини тәһсили, ҝәнҹлик илләриндә Ислам тәблиғи вә үмуми Ислам тәһсили, Орта Асија фәалијјәтләри вә доғма вәтәниндә өлкә иҹтимаијјәтинә вә Ислама вердији төһфәләри ону јахындан таныјанларын дилиндән ешидәҹәксиниз.
Һәмчинин филмдә Азәрбајҹан Руһаниләр Мәҹлисинин (АРМ) үзвү, Маиде.Аз сајтынын баш редактору, намаз мәһбусу Сәрдар Һаҹыһәсәнлини өвлад кими, бир ата кими, шаҝирд кими, бир дост кими, тәләбә јолдашы кими дә таныјаҹагсыныз.
Гејд едәк ки, Шејх Сәрдар һаггында чәкилмиш бу филм 16.06.2017 тарихдә Азәрбајҹан вахтилә ахшам саат 22.00-да Түркијәнин “Кудүс ТВ” каналында јајымланыб.
Хатырладаг ки, Азәрбајҹан Руһаниләр Мәҹлисинин (АРМ) үзвү, Маиде.Аз сајтынын баш редактору, намаз мәһбусу вә сијаси мәһбус руһани Сәрдар Һаҹыһәсәнли Масаллы рајонунда ҹүмә намазы гылдығы үчүн рајонун иҹра башчысынын шикајәти әсасында она ҹинајәт иши ачылыб вә һәбс гәти-имкан тәдбири сечилиб. Февралын 22-дә сахланылан Шејх Сәрдарын һазырда мәһкәмәси ҝедир. Нөвбәти мәһкәмә ијун ајынын 19-да саат 10:00-да Масаллы Рајон Мәһкәмәсиндә кечириләҹәк.
Диггәт: Хәбәрдән истифадә етдикдә мәнбәјә истинад лазымдыр
