Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын Һормозган әјаләтинин Тәһлүкәсизлик ишләри үзрә командири Рудан шәһәриндә 4 тәкфирчи үнсүрүн дармадағын едилдијини билдириб.
Командир Әзизуллаһ Мәлики бу ҝүн сәһәр медиа ишчиләри гаршысына чыхараг билдириб: “Һормозган әјаләтиндә апардығымыз ҝизли кәшфијјат әмәлијјатлара вә шәр гүввәләринин әјаләтин шәрг наһијјәләриндә силаһлы һәрәкәтләр етмәси һагда әлдә етдијимиз мәлуматлара әсасланараг әјаләтин бүтүн јерләриндә полис тәһлүкәсизлик гүввәләрини һазыр вәзијјәтә ҝәтирдик.”
Әзизуллаһ Мәлики дејиб: “Техники вә мүрәкәб мүәјјән етмә, кәшфијјат әмәлијјатларынә һәјата кечирмәклә, дүшмәни дәгиг изләмә вә һәр бир һәрәкәтләрини нәзарәтә алараг өтән ҝүн әср вахты тәһлүкәсизлик гүввәләринин горхмаз полис әмәкдашлары Рудан шәһәри әтрафындакы дағларда апардыглары әмәлијјатлар нәтиҹәсиндә 4 тәкфирчи шәр үнсүрилә үзләшәрәк бир нечә дәгигәлик атышмадан сонра һәр дөрд үнсүрү мәһв едибләр.”
Һормозган әјаләтинин Тәһлүкәсизлик ишләри үзрә командири даһа сонра дејиб: “Өлән гүввәләр үзәриндә апарылан арашдырмалар нәтиҹәсиндә 4 әдәд автомат калашников, 112 әдәд мәрми, бир мигдар партлајыҹы маддәләр вә ИШИД террор груплашмасынын бајрағы ашкарланмышдыр.”
Өлән шәр гүввәләрин кимлији барәдә данышан Әзизуллаһ Мәлики дејиб: “Шәр гүввәләрдән икисинин хариҹи вәтәндаш олдуғу үзәриләриндә дашыдыглары хариҹи паспортдан бәлли олду. Галан икисинин исә кимлији барәдә арашдырма давам едир.”
Диггәт: Хәбәрдән истифадә етдикдә мәнбәјә истинад лазымдыр
