Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн Бакы Ағыр Ҹинајәтләр Мәһкәмәсиндә 2015-ҹи илин октјабр-нојабр ајларында мөвҹуд режим тәрәфиндән төрәдилән Нардаран ҹинајәтләри илә бағлы сахланылан Шиә руһаниләриндән Гуран Һафизи, Һөҹҹәтүл Ислам Зүлфүгар Микајылов, Һөҹҹәтүл Ислам Сејјид Елман Ағајев, Һөҹҹәтүл Ислам Рамил Сејфуллајев, Һөҹҹәтүл Ислам Рузи Исмајылов, Шиә активистләри Фаиг Аллаһвердијев, Әли Һүсејнов, Меһман Гулијев, Меһман Мәммәдов, Елдар Бүнјадов, Елхан Һәсәнов, Мүбариз Ибраһимов, вә Ҹабир Әлијевин ҹинајәт иши үзрә гондарма “мәһкәмә просеси” кечирилиб.
Әдаләтсиз һаким Зејнал Ағајевин сәдрлик етдији гондарма просесдә Дахили Ишләр Назирлијинин Баш Мүтәшәккил Ҹинајәткарлыгла Мүбаризә Идарәсинин әмәкдашы Елман Ағајев ифадә вериб.
Гондарма мәһкәмә башласа да әдаләтсиз һаким Зејнал Ағајевин микрафону “ишләмәди”. Тәгсирләндирилән шәхсләр вә онларын вәкилләри бу барәдә ирадларыны билдирдикдән сонра техники ишчиләр бу проблеми һәлл етмәјә чалышдылар.
Даһа сонра Баш Мүтәшәккил Ҹинајәткарлыгла Мүбаризә Идарәсинин әмәкдашы Елман Ағајевин сәсинин ешидилмәмәсини һәм залда отуранлар, һәм тәгсирләндирилән шәхсләр, һәм дә журналистләр дәфәләрлә һакимин диггәтинә чатдырсалар да тәдбир ҝөрүлмәјиб. Техники проблемләри арадан галдырмаг әвәзинә әдаләтсиз һаким Зејнал Ағајев "Ветенуҝрунда.аз" сајтынын мүхбири Арзу Абдулланын залдан чыхаылмасыны тәләб едиб. Сәбәб исә журналистин шаһид гисминдә иштирак едән Елман Ағајевин сәсинин ешидилмәдијини һакимин диггәтинә чатдырмасы олуб.
Әдаләтсиз һакимин журналистә гаршы кобуд рәфтарына "Ветенуҝрунда.аз" сајтынын баш редактору Рөвшән Әһмәдли етираз едәндә һаким Рөвшән Әһмәдлинин барәсиндә тәдбир ҝөрүлмәси барәдә хүсуси гәрардад чыхарыб, һәмин гәрарын иҹра едилмәси үчүн Мәтбуат Шурасына ҝөндәриләҹәјини билдириб вә онун залдан чыхарылмасыны тәләб едиб.
Бу заман әлијевләр режими тәрәфиндән ШӘРЛӘНДИРИЛӘН Шиә руһани вә активистләри етираз едибләр.
Һәр ики журлаистин залдан чыхарылмасына тәгсирләндирилән шәхсләр етираз едибләр, онлар медианын посесдә иштиракыны тәләб едибләр, әкс һалда просесин тәхирә салынмасыны истәјибләр.
Етираза ҝөрә, һаким просеси мајын 8-ә гәдәр тәхирә салыб.
Диггәт: Хәбәрдән истифадә етдикдә мәнбәјә истинад лазымдыр
