Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүдүнја Ислами Мәзһәбләрин Јахынлашмасы Ассамблејасынын Катибинин баш көмәкчиси Доктор Муһәммәд Һәсән Тәбраијан вә ону мүшаијјәт едән һејәт “АБНА Бејнәлхалг Хәбәр Аҝентлији”нин мәркәзи офисини зијарәт едибләр.
Илк олараг Хәбәр Аҝентлијинин мүхтәлиф бөлмләринин идарәчиләри Әһмәд Мәһбуби, Ҹавад Бәјати вә Муһәммәд Фазили АБНА Бејнәлхалг Хәбәр Аҝентлијинин јаранма тарихчәси, һәдәфи, сајтын мүхтәлиф дилләрдә хәбәр јајымламасы вә с. бөлмләр барәдә изаһат верибләр.
Доктор Муһәммәд Һәсән Тәбраијан өз нөвбәсиндә АБНА Бејнәлхалг Хәбәр Аҝентлијинин мүдирләри вә ишчи гүввәләрин бу јолда чәкдикләри зәһмәтләрә ҝөрә тәшәккүр едәрәк билдириб: “Мән даим АБНА Хәбәр Аҝентлијинин вердији хәбәрләри изләјирәм. Сизин сајтыныз аз имканатла виртуал аләмдә өзүнәмәхсус јениликләр ҝәтириб. Вә мүхтәлиф мүсәлман өлкәләри һагда верилән хәбәрләрин мәнбәсинә чеврилиб.”
Даһа сонра о, АБНА Хәбәр Аҝентлијинин гојдуғу бир тәсир һагда белә дејиб: “Сонунҹу дәфә өмрә мәрасиминдә олдугда Мәдинә шәһәриндән Мәккә шәһәринә автобусла ҝедәркән Лондонда јашајан вә медиа үзрә мүтәхәссис олан бир мүсәлман журналист АБНА Хәбәр Аҝентлијинин мүвәффәгијјәтләри һагда мәнә тәриф етди. Бу мәним үчүн чох мараглы иди...”
Муһәммәд Һәсән Тәбраијан сајтымызын аз имканатла хејли сајда тәсирә малик ишләр ҝөрдүјү һагда бир даһа данышараг билдирди: “Мән, АБНА Хәбәр Аҝентлији аз имканат вә ишчи гүввәсинә малик олдуғуну билирдим, амма бу ҝүн сизин мәркәзи офисинизи зијарәт етдикдә өз ҝөзләримлә шаһиди олдум ки, там тәвазөкарлыг вә садәлијиниз илә јанашы мүхтәлиф дилләрә малик олмагла сиз чох бөјүк ишләр ҝөрүрсүнүз. Елә буна ҝөрә дә, сизин ишчи гүввәләринизин ҝөрдүкләри ишләр һагда һејрәтим даһа да артды...”
Үмүдүнја Ислами Мәзһәбләрин Јахынлашмасы Ассамблејасынын Катибинин баш көмәкчиси АБНА Хәбәр Аҝентлијинин баш мүдири Һөҹҹәтүл Ислам вәл Мүслимин Сејјид Әли Рза Һүсејни Ариф ҹәнабларынын әзмкарлығы һагда данышараг вурғулады: “Мән өз нөвбәмдә сизин һамынызын чәкдији зәһмәтләрә ҝөрә өз миннәтдарлығымы билдирирәм...”
Даһа сонра АБНА Хәбәр Аҝентлијинин баш мүдири Һөҹҹәтүл Ислам вәл Мүслимин Сејјид Әли Рза Һүсејни Ариф ҹәнаблары да сајтын фәалијјәтләри һагда гыса мәрузә верәрәк билдирди: “Биз, һиҹри шәмси тарихи илә 1385-ҹи илдә (милади тарихи илә 2006-ҹы илдә) АБНА Хәбәр Аҝентлијини Фарс, Әрәб вә Инҝилис дилиндә тәсис етдик вә хәбәрләр јајымламаға башладыг. Артыг 10 илдән сонра инди сајтымыз дүнјанын 24 дири дилиндә хәбәрләр јајымлајыр...”
Һөҹҹәтүл Ислам вәл Мүслимин Сејјид Әли Рза Һүсејни Ариф “АБНА” сајтынын аз имканатлары илә јанашы әлдә етдији бөјүк мүвәффәгијәтләринин әсас сәбәбини исә, ишчи гүввәләрин “бәсиҹи руһијјәси” илә фәалијјәт ҝөстәрдикләри олдуғуну дејиб. Сејјид Һүсејни ҹәнаблары билдириб ки, Аллаһ Тааланын лүтф вә инајәти илә вә Әһли Бејтин (әлејһимус сәлам) етдији дуалары сајәсиндә АБНА сајтынын хариҹи дилләрини ачыб идарә едән шәхсләр өзләри көнүллү сүрәтдә бизимлә әмәкдашлыг едирләр вә бу ишдә биздән һеч бир мадди мараг ҝүдмүрләр.
АБНА Хәбәр Аҝентлијинин баш мүдири Һөҹҹәтүл Ислам вәл Мүслимин Сејјид Әли Рза Һүсејни Ариф АБНА сајтынын иллик зијарәтчиләри һагда билдириб: “Өтән ил әрзиндә сајтымызы 96 милјондан артыг изләјиҹи зијарәт едиб.”
О, даһа сонра сөзләринә әлавә едәрәк билдириб: “Сајтымызын дүнја сәвијјәсиндә ҝедән ҝедишатлара гојдуғу тәсирләр нәтиҹәсиндә Әһли Бејт (әлејһимус сәлам) Маарифи вә Мүгавимәт Һәракаты илә дүшмәнчиликдә олан бәзи мәнтәгә дөвләтләри өз өлкәләриндә сајтымызын ҝиришин филтирләјибләр...”
Ҝөрүшүн сонунда әзиз вә дәјәрли гонаглара Үмүдүнја Әһли Бејт (ә) Ассамблејасынын Еланлар Бүросу илә АБНА Хәбәр Аҝентлијинин бирҝә нәшр етдији китаб вә електрон дини програмлар тәгдим едилди.
Диггәт: Хәбәрдән истифадә етдикдә мәнбәјә истинад лазымдыр
