Әһлибејт (ә) Хәбәр Аҝентлијинин вердији мәлумата ҝөрә-Мәһкәмәдән сонра вәкил Ҹавад Ҹавадов Маиде.Аз-а ачыглама вериб. “Бу ҝүн Шејх Сәрдар Һаҹыһәсәнлинин барәсиндә олан ҹинајәт ишинин материаллары илә таныш олмаг үчүн Масаллы Рајон Полис шөбәсинә ҝәлдим, лакин мәлум олду ки, онун барәсиндә һәбс гәти-имкан тәдбири нөвбәти дәфә узадылаҹагдыр. Бурда Истинтаг органы бизә јалан мәлумат верибдир. Һаким Немәт Мусајевин сәдрлији илә кечирилән мәһкәмә иҹласында Шејх Сәрдарын һәбс мүддәти бир даһа узадылыб. Истинтаг органы һәбс мүддәтинин узадылмасыны 1 ај истәјиб вә мәһкәмә 20 ҝүн мүддәтинә узадылмасына гәрар вериб".
Гејд едәк ки, Азәрбајҹан Руһаниләр Мәҹлисинин (АРМ) үзвү, Маиде.Аз сајтынын баш редактору, намаз мәһбусу руһани Сәрдар Һаҹыһәсәнли Масаллы рајонунда ҹүмә намазы гылдығы үчүн рајонун иҹра башчысы тәрәфиндән полисә шикајәт едилиб. Шикајәт әсасында она ҹинајәт иши ачылыб вә барәсиндә 37 ҝүн мүддәтиндә һәбс гәти-имкан тәдбири сечилиб. Февралын 22-дә сахланылан Шејх Сәрдарын һәбс мүддәтинин баша чатмасына аз мүддәт галмыш мартын 27-дә Масаллы Рајон Мәһкәмәси онун һәбс мүддәтини апрел ајынын 30-дәк узатмышды.
Диггәт! Хәбәрдән истифадә етдикдә мәнбәјә истинад лазымдыр
