Әһлибејт (ә) Хәбәр Аҝентлији:
Бисмиллаһир-рәһманир-рәһим.
“Аллаһ мәсҹидләриндә Онун адынын чәкилмәсинә мане олан вә онларын виран едилмәси (истигамәти)ндә чалышандан даһа залым ким ола биләр? Онлара лајиг олан, бу (ибадәт мәркәзләринә) јалныз (Аллаһын) горху(су) илә дахил олмагдыр. Онларын дүнјадан бәһрәси рүсвајчылыг, ахирәтдә исә (Аллаһын) бөјүк әзабыдыр.” (“Бәгәрә” сурәси, 114-ҹү ајә.)
“Илләр өнҹә өлкәмиздә башланмыш исламофобија далғасы һәлә дә сәнҝимәк билмир. Әзиз Ислам Пејғәмбәринин (с) ҹанишини, имамәт сәмасынын илк парлаг улдузу имам Әлинин (ә) мүбарәк мөвлуд ҝүнләринин севинҹини јашајыб бөлүшән Азәрбајҹан диндарларыны сон ҝүнләрдә өлкәдә Аллаһ евләринин сөкүнтүсүнә старт верилмәси хәбәри доғрудан да нараһат етди.
Ҝөрәсән инсанлара Аллаһ севҝисини, мәнәвијјат вә паклығы ашылајан, ејни заманда, ислами кимлијимизин ҝөстәриҹиси олан бу оҹагларын сөкүлмәси һансы ҝүҹләрин мәкрли марагларына хидмәт едир?
Азәрбајҹан Руһаниләр Мәҹлиси (АРМ) бу кими ҹәһдләри мүсәлман Азәрбајҹан халгынын мәнәви дәјәрләринә гаршы јөнәлмиш гәрәзли аддым кими дәјәрләндирир, мәсҹидләрин Аллаһ евләри олдуғуну бир даһа хатырладыр вә бу илаһи мәканлара ујғун рәфтар тәрзи сечмәјә дәвәт едир”.
Диггәт! Хәбәрдән истифадә етдикдә мәнбәјә истинад лазымдыр!
Азәрбајҹан Руһаниләр Мәҹлиси (АРМ)
