Бәшәр Әсәд: "АБШ Суријаја һүҹум етмәклә мәгсәдинә чата билмәди"

Әһлибејт (ә) Хәбәр Аҝентлији-"Репорт" ТАСС-а истинадән хәбәр верир ки, буну Сурија президенти Бәшәр Әсәд базар ҝүнү иранлы һәмкары Һәсән Руһани илә телефон сөһбәти заманы дејиб.  "Әсәд гејд едиб ки, АБШ һүҹум етмәк јолу илә мәгсәдләринә чата билмәди. Бу, Сурија ордусунун газандығы гәләбәләрдән сонра Бирләшмиш Штатлар тәрәфиндән дәстәк алан террор груплашмаларында мәнәви руһ јүксәклији јаратмаг ҹәһди иди", - дејә САНА аҝентлији президентин сөзләрини ситат ҝәтириб.  Өз нөвбәсиндә Иран лидери Һәсән Руһани АБШ-ын Сурија әразисинә тәҹавүзүнү өлкәнин суверенлијинин вә бүтүн бејнәлхалг ганун вә конвенсијаларын кобуд шәкилдә позулмасы адландырыб. О, Иранын террорчулугла мүбаризәдә Суријанын јанында одуғуну билдириб