Әһлибејт (ә) Хәбәр Аҝентлијинин вердији мәлумата әсасән Шејх Сәрдарын вәкили Ҹавад Ҹавадов өз фејсбук сәһифәсиндә һаким Немәт Мусајевин сәдрлији илә кечирилән мәһкәмә иҹласында Шејх Сәрдарын һәбс мүддәтинин апрел ајынын 30-дәк узадылмасына даир гәрарын сурәтини пајлашыб вә јазыб: “Шејх Сәрдар Бабајевин барәсиндә һәбс гәтимкан тәдбиринин узадылмасына даир мәһкәмә гәрарында Масаллы рајон Мәһкәмәсинин һакими Немәт Мусајев јазыб ки, Сәрдар Бабајев азадлыгда галарса: "ҹинајәткар фәалијјәтини давам етдирә биләр", бунун ачыгламасы одур ки, о бурахылса јенидән ҹүмә намазы гыла биләр.” Вәкил билдириб ки, мартын 27-дә Масаллы рајонунда кечирилән мәһкәмәнин гәрарындан бу ҝүн (мартын 30-да) апеллјасија шикајәтини тәгдим едәҹәм. Гејд едәк ки, Азәрбајҹан Руһаниләр Мәҹлисинин (АРМ) үзвү, Маиде.Аз сајтынын баш редактору, намаз мәһбусу руһани Сәрдар Һаҹыһәсәнли Масаллы рајонунда ҹүмә намазы гылдығы үчүн рајонун иҹра башчысы тәрәфиндән полисә шикајәт едилиб. Шикајәт әсасында она ҹинајәт иши ачылыб вә барәсиндә 37 ҝүн мүддәтиндә һәбс гәти-имкан тәдбири сечилиб. Февралын 22-дә сахланылан Шејх Сәрдарын артыг һәбс мүддәтинин баша чатмасына аз мүддәт галмышды.
Диггәт!Хәбәрдән истифадә етдикдә мәнбәјә истинад лазымдыр
