Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Фәләстин торпагларыны ишғал етмиш јәһуди сионист режиминә мәхсус “Һааретс” гәзети хәзәрјаны өлкәләрин әһәмијјәтинә ишарә едәрәк Азәрбајҹан республикасы кими өлкәләрин енержи еһтијатлары вә Иран Ислам Республикасы кими бөјүк өлкәләрлә һәмсәрд олдугларына ҝөрә реҝионда мүһүм рол ојнаја билдикләрини гејд едиб.
Һаартес јазыр: “Исраилин гејри-әрәб өлкәләри илә әлагәдар хариҹи сијасәти Дејвид бин Горионун “сәрһәд сијасәти” фәаллашмышдыр. Һәмин сәрһәд сијасәтинә әсасән 21-ҹи әсрин башланғыҹында “түркүстан” реҝионундакы мәнафе Исраил, Азәрбајҹан республикасы, Өзбәкистан, Газахыстан арасында бөлүнә биләр. Бу да Телавив рәсмиләринин прагматизминдән асылыдыр. Бу тәнлијә Түркијәни дә әлавә етсәк “1+1+3” дүстуру мејдана чыхаҹагдыр. Әлагәдар әмәкдашлыг әсас әмтәәләрин тиҹарәти, енержи тәминаты, јолларын тәһлүкәсизлији, тиҹарәт дөвријјәсинин артмасы, һәрби тәлим вә даһа әһәмијјәтлиси, Иран кими диҝәр өлкәләрә гаршы әмәкдашлыг саһәләрини еһтива едир. Һал һазырда Исраил Чинлә тиҹари-сијаси әлагәләрини ҝүҹләндирмәкдәдир. Беләликлә “АТУК” өлкәләри (Азәрбајҹан республикасы, Түркијә, Өзбәкистан вә Газахыстан) илә стратежи әмәкдашлыг јаратмагла Чин дәнизи илә Аралыг дәнизинә гәдәр узанан дәһлиздә өз тәһлүкәсизлијини тәмин етмиш олур. Бирбаша тиҹарәт, бору кәмәрләри, соҹиал-мәдәни фәалијјәтләр Исраилин һәмишәлик рәгиби олан Иран гаршысындакы апарыҹы тәшәббүсләридир.”
Һааретс гәзети јазысынын давамында Исраилин Азәрбајҹан республикасы вә Түркијәјә јахынлашма мәгсәдинә ишарә едәрәк јазыр: “Азәрбајҹан республикасынын өзүнә мәхсус мөвгеји Исраилин хариҹи сијасәтиндә әһәмијјәтли јер тутур. Белә ки, експертләрин фикринҹә Азәрбајҹан республикасы илә Исраил арасындакы өзәл стратежи әлагәләр бахымындан Исраилин биринҹи хејри Азәрбајҹанын Ирана стратежи бағлылығынын артмасына мане олмагдыр. Әслиндә Исраил дәнизлә әһатә олунмуш вә чыхаҹағы олмајан бир ададыр. Һәм дә Иран кими бөјүк гүдрәтлә әлбәјахадыр. Буна ҝөрә дә өзү кими мөвгедә олан өлкәләрлә тиҹары вә һәрби көрпү салмалыдыр. Мәһз бу сәбәбдән дә Азәрбајҹан республикасы бизим үчүн хиласкар мәләкдир. Исраил Азәрбајҹан арасындакы әлагә “түрк-јәһуди” нәзәријјәсинин һәјата кечирилмәси демәкдир.
Һал һазырда Азәрбајҹан республикасы Исраилин нефтә олан тәләбатынын үчдә бириндән чохуну тәмин едир вә илдә бу өлкәјә 2.5 милјон тон нефт ихраҹ едир. Азәрбајҹан республикасынын стратежи мөвгеји тәкҹә игтисади фәалијјәтлә битмир. Бу өлкә јәһудиләрин 2000 иллик статусуну гәбул едир. Буна ҝөрә дә мухалифәтләрә бахмајараг јәһудиләрин фәалијјәти үчүн тәһлүкәсиз бир јердир.”
Ҹүһүд гәзети јәһудиләрин икинҹи Шиә өлкәсиндә бөјүк уғур газандыгларындан тәәҹҹүбләнәрәк бу өлкә Шиәләрини тәһгир едәрәк јазыр: “Бунунла әлагәдар ики еффектив мәслә вардыр. Биринҹи бу ки, Азәрбајҹан республикасынын Шиәләри дөвләтин сијаси, мәдәни вә тәһлүкәсизлик тәдбирләри нәтиҹәсиндә өз имамларынын вә дини рәһбәрләринин хилафына олараг шәһадәтсиз, мүгавимәтсиз бир Шиәјә, бир сөзлә Исраилин нәзәрдә тутдуғу бир Шиәјә чеврилмишләр. Икинҹиси будур ки, республиканын һакимијјәти секулар дөвләт сечмишдир. Бунун өзү дә гәрибәдир. Чүнки Шиәләрин үчүнҹү имамы кими дин рәһбәрләри динин сијасәтә мүдахиләсини хүсуси вурғуламышлар...”
Әлбәттә гәзет бу мөвзуја әсла ишарә етмир ки, ислам дүшмәнләринин, сионист режими вә Азәрбајҹанын хаин дөвләтинин бу вә ја диҝәр һиләләринә бахмајараг өлкә әһалиси дин мәрасимләриндә иштирак едир, јери ҝәлдикдә исә онларын чоху дин јолунда ҹанларындан кечирләр. һәмин өлкәнин тарихиндә буна даир чохлу нүмунәләр вермәк олар: Һаҹы Мөвсүм Сәмәдов, јахуд һаҹы Талеһ Бағров кими бир чох азадлыгсевәрләр өз мүгәддәс мүбаризәләриндә Имам Һүсејни (әлејһи сәлам) өрнәк ҝөтүрдүкләрини вурғуламышлар.
Диггәт: Хәбәрдән истифадә етдикдә мәнбәјә истинад лазымдыр
