Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сәудијјә режиминин мәһкәмәси Мәккәдә 2015-ҹи илдә баш верән кран фаҹиәсилә бағлы мүһакимә олунан бүтүн мүттәһимләрин ҝүнаһсыз олмасына гәрар вериб.
Белә ки, Сәудијјә режиминин мәһкәмәси Мәккәдә баш верән кран фаҹиәсилә әлагәдар мүһакимә олунан 13 нәфәрин бәраәт алмасы барәдә гәрар чыхарыб.
Һадисәни арашдыран баш прокурорун гәрара етираз етмәсинә вә ишин јенидән нәзәрдән кечирилмәсини тәләб етмәсинә бахмајараг, иши арашдыран мәһкәмә дәлил чатышмазлығы сәбәбилә ирәли сүрүлән тәләби рәдд едиб.
Сәудијјә режиминин баш прокурору Мәккәнин јенидән иншасы вә гурулмасы үчүн бүтүн лајиһәләри әлиндә сахлајан Бин Ладен ширкәтләр групу һаггында апеллјасија мәһкәмәсинә мүраҹиәт едәрәк, гәрарын јенидән нәзәрдән кечирилмәсини тәләб едиб.
Гејд едәк ки 2015-ҹи илдәки һәҹҹ мөвсүмүндә Мәсҹидул Һәрамда баш верән гәзада 108 зәввар һәлак олмуш, 238 нәфәр исә јараланмышды.
Диггәт: Хәбәрдән истифадә етдикдә мәнбәјә истинад лазымдыр
