Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ел арасында “Ҹәһәннәм дарвазасы” илә мәшһур олан Астара рајон Бејнәлхалг Ҝөмрүк Мәнтәгәсиндә ҝүндәлик рузи далыјҹа Иран Ислам Республикасына ҝетмәк истәјән вәтәндаш нөвбәдә вәфат едиб.
Декабрын 28-дә, ҝүнүн икинҹи јарысында баш верән һадисәдә Астара рајон сакини олан Илгар Кәримов нөвбәдәки аналогсуз сыхлыгдан үрәји дајанараг дүнјасыны дәјишиб. Мәрһумун јахынларынын дедикләринә ҝөрә Илгар Кәримов Иран Ислам Республикасына базарлыға ҝедирмиш.
Һадисәнин шаһиди, Астара шәһәр сакини Фәрбијә Ибајева белә дејиб: “Адамлар ҝөмрүјүн гапысында топлашдылар. Гапыны сәһәр саат 9-да ачанда басабас дүшдү. Адамларын фәрјады гулаг батырырды. Өлән адам да бизим арамызда иди. Мәним ики голум да зәдәләнди. Биз ичәријә ҝирдик, гапыны јенидән бағладылар. О адам мүнасиб бир јер тапан кими әјләшди. Ҝөрүнүрдү ки, сыхынты кечирдиб. Иранла Азәрбајҹан арасында олан көрпүјә чатанда кәнара чәкилиб әјләшди. Орда да кечинди”.
Иран Ислам Республикасына уҹуз әрзаг далынҹа...
Фәрбијә Ибајева Азәрбајҹанда зәрури әрзаг мәһсулларын гијмәтләринин ҝүндән ҝүнә галхдығындан шикајәтләнәрәк дејиб: “Мәҹбур олуб Ирана уҹуз әрзаг далынҹа ҝедирләр. Ајда бир дәфә сәрһәддән бурахырлар. Һәр кәс бу фүрсәтдән истифадә етмәјә чалышыр”.
Астара Ҝөмрүк Идарәсиндә исә Илгар Кәримовун нөвбәдәки сыхлыг үзүндән өлмәси фикри илә разылашмырлар. Фактла бағлы һүгуг мүһафизә органларында арашдырмаја башландығы билдирилир.
Азәрбајҹандан Ирана ҝедә нвәтәндашлардан ҝөмрүкдә нөвбәдә өлүм һадисәләри бундан әввәл дә баш вериб.
Диггәт: Хәбәрдән истифадә етдикдә мәнбәјә истинад лазымдыр
