Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, 2016 ҹы ил декабрын 30-да Бакы Ағыр Ҹинајәтләр Мәһкәмәсиндә Илһам Әлијев дөвләтинә хәјанәт етмәкдә тәгсирләндирилән Шиә илаһијјатчысы, Гафгаз Мүсәлманлары Идарәсинин (ГМИ) сабиг сектор мүдири Елшән Мустафаоғлунун ҹинајәт иши үзрә мәһкәмә просеси давам едиб.
Әдаләтсиз һаким Сәбуһи Һүсејновун сәдрлији илә кечирилән гурама гапалы просесдә Е.Мустафаоғлу һаггында 10 ил азадлыгдан мәһрум едилмә ҹәзасы чыхарылыб.
Гејд едәк ки, өтән сахта мәһкәмә иҹласында сүлалә иттиһамчысы чыхышында Е.Мустафаоғлунун 12 ил мүддәтинә азадлыгдан мәһрум едилмәсини истәјиб.
Хатырладаг ки, Шиә илаһијјатчысы Елшән Мустафаоғлу 2014-ҹү илдә сабиг МТН тәрәфиндән һәбс олунараг Ҹинајәт Мәҹәлләсинин 274-ҹү (дөвләтә хәјанәт) маддәси илә иттиһам едилирди. Бир мүддәт сонра исә, МТН-ин сәдри Елдар Маһмудовун өзү Ҹинајәт Мәҹәлләсинин 274-ҹү (дөвләтә хәјанәт) маддәси илә, сахланылараг ев дустагы едилмиш вә МТН гуруму ДТХ илә әвәз едилмишдир.
Диггәт: Хәбәрдән истифадә етдикдә мәнбәјә истинад лазымдыр
