Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Декабрын 26-да Бакы Ағыр Ҹинајәтләр Мәһкәмәсиндә әлијевләр режиминин иттиһамчысы "Нардаран иши" үзрә тәгсирләндирилән шәхсләрә иш истәјиб.
Әдаләтсиз һаким Әлөвсәт Аббасовун сәдрлији илә кечирилән гурама просесдә прокурор мәһкәмәдән ШӘРЛӘНДИРИЛӘН шәхсләрә иш истәмәздән өнҹә Тале Бағырзадә мәһкәмәни изләмәјә ҝәлән өзүнүн вә диҝәр тәгсирләндирилән шәхсләрин јахынларына мүраҹиәт едиб:
"Хаһиш едирәм, һансы ҹәзаны истәмәләриндән асылы олмајараг, ағламајын. Беләләринин гаршысында сынмајын. Дөзүмлү олун. Шәхсән мән өзүмә өмүрлүк ҝөзләјирәм. Әҝәр бундан даһа ағыр ҹәза - едам олсајды, Азәрбајҹан һөкумәти ҝөрәрди ки, һәтта өлүмә дә ҝүлә-ҝүлә ҝедән оғуллар вар. Биз бу залым режимдән хилас олмаг, халгымызын азад олмасыны истәјириксә, гурбан вермәји дә баҹармалыјыг".
Прокурор Нәсир Бајрамов Талеһ Бағырзадәнин өмүрлүк, АХҸП сәдринин мүавини Фуад Гәһрәманлынын исә 11 ил мүддәтинә азадлыгдан мәһрум олунмасыны истәјиб.
Дөвләт иттиһамчысы һәмчинин Аббас Һүсејновун 20, Ҹаббар Ҹаббаровун 19, Расим Ҹәбрајыловун 17, Рамин Јарыјевин 10, Шамил Абдуләлијев, Закир Мустафајев, Ҹаһад Бабакишизадә, Агил Гулијев, Аббас Гулијев, Ибраһим Худавердијев, Етибар Исмајылов, Бәһруз Гулијев, Әли Нуријев, Әлибала Вәлијев, Фәрһад Балајев вә Аббас Тағыјевин һәр биринин 15 ил мүддәтинә азадлыгдан мәһрум едилмәләрини истәјиб.
ШӘРЛӘНДИРИЛӘН шәхсләрин вәкилләри мүдафиә чыхышына һазырлашмаг үчүн мәһкәмәдән вахт истәјиб.
Просес јанварын 9-да давам етдириләҹәк.
Хатырладаг ки, Тале Бағырзадә дә Әлијевләр режиминин зүлмүнә мәруз галараг, мөвҹуд режимин әнәнәсинә ујғун Ҹинајәт Мәҹәлләсинин 120-ҹи (гәсдән адам өлдүрмә) маддәсинин 120.2.1, 120.2.3, 120.2.4, 120.2.7, 120.2.12, 29,120-ҹи (гәсдән адам өлдүрмәјә ҹәһд) маддәсинин 29, 120. 2.1, 29,120.2.3, 29, 120.2.4, 29,120.2.7, 29, 120. 2. 12, 228.3-ҹү (ганунсуз олараг одлу силаһ әлдә етмә), 228.4-ҹү (ганунсуз олараг силаһ ҝәздирмә) вә диҝәр маддәләри илә ШӘРЛӘНИЛИР.
02 Декабр 2015 тарихдә әлијевләр сүлаләсинин дахили ишләр назири Рамил Усубовун АзТВ-јә вердији мүсаһибәсиндә вурғулајыб ки, 26 Нојабр, 2015 тарихдә баш верән Нардаран фаҹиәсинин башында сүлалә башчысы Илһам Әлијев дурур...
Диггәт: Хәбәрдәнистифадәетдикдәмәнбәјәистинадлазымдыр
