Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн Имам Рзанын (ә) шәһадәт ҝүнүдүр. Һиҹри гәмәри тарихи илә 203-ҹи ил Сәфәр ајынын 30-да Аллаһын јер үзәриндә Хәлифә тәјин етдији 8-ҹи Имамы һәзрәт Әли ибн Муса әл-Рза гәсибкар аббасиләр хәлифәси Мәмун ибн Һарун (Аллаһ бүтүн Әһли Бејт дүшмәнләринә ләнәт етсин) тәрәфиндән Хорасанда зәһәрләндирилиб вә Шәһадәтә говушуб. Һидајәт чырағы олан Имам 55 јашында Шәһид олуб.
Бү һүзнлү ҝүн мүнасибәтилә башда Заманәмизин сонунҹу Имамы, Аллаһ Таланын јер үзәриндәки Һөҹҹәти, һәзрәт Мәһди (Аллаһ Тәала Онун шәрәфли Ҝәлишини тезләшдирсин) ҹәнабларына, онун һаг наиби Имам Хаменеијә, Али Тәглид Мәрҹәләринә вә бүтүн инсан вә ҹин тајфаларына башсағлығы веририк.
Имам Рзанын һәјатына гыса бир бахыш
Имам Рза мүсәлманларын 8-ҹи Имамыдыр. Һәзрәтин әсл ады Әлидир. Имам Әли ибн Мусанын кунјәси Әбул-Һәсән, ән мәһшур ләгәби исә Рзадыр.
Һәзрәт Имам Рза (әлејһи сәлам) һиҹрәтин 148- ҹи илиндә мүбарәк Зилгәдә ајынын 11-дә дүнјаја ҝәлмишдир. Атасы 7-ҹи Имамымыз Һәзрәт Муса ибн Ҹәфәр ибн Муһәммәд ибн Әли ибнил-Һусејн ибн Әлидир (Аллаһын Саламы бүтүн һидајәт Имамларынын үзәринә олсун!). Һәзрәтин анасынын ады Тукәм олмуш вә О, фәзиләтли ханымлардан олмушдур. Чүнки О, 7-ҹи Имамын зөвҹәси вә 8-ҹи Имамын исә анасыдыр. Имам Рза (Она салам олсун) дүнјаја ҝәлдикдән сонра Имам Мусеји-Казим (Она салам олсун) О Ханыма “Таһирә” адыны вермишдир. Һәр бир заманын өз имамы олдуғу вә јер үзү һеч заман Илаһи һөҹҹәтсиз галмадығы кими, Имам Рза да, Өз зәманәсинин Имамы вә Аллаһ-Тәаланын инсанлар үзәриндәки һүҹҹәтидир.
О Һәзрәтин һәјаты әсасән 2 һиссәдән ибарәтдир:
1. Атасы Имам Казимлә (Она салам олсун) бирликдә јашадығы дөвр, бу мүддәт 35 илдир.
2. Атасынын (Она салам олсун) шәһадәтә јетдији, јәни Өзүнүн имамәтә чатдығы дөврдән шәһадәтинә гәдәрки дөвр. Бу дөвр 20 ил олмушдур. Имам Рза (Она салам олсун) атасы Имам Казим (Она салам олсун) һиҹри 183- ҹү илдә Бағдадын зинданында зәһәрләндириләрәк шәһид едилдикдән сонра имамәт мәгамына јетишди.
Әбдүр-Рәһман ибн Һәҹҹаҹ дејир: “Әбүл-Һәсән Муса ибн Ҹәфәр (Она салам олсун) өз оғлу Әлини (Она салам олсун) өз ҹанишини тәјин етди, онун үчүн вәсијјәтнамә јазды вә Мәдинәнин танынмыш шәхсијјәтләриндән алтмыш нәфәри шаһид тутду.”
Имам Рза (Она салам олсун) 35 јашында имамәт мәгамына чатыр, 20 ил үммәтин Имамы вә рәһбәри олур вә һиҹри 203-ҹү илдә – 55 јашында Шәһадәтә говушур.
О һәзрәтин (Она салам олсун) шәриф мәзары Иранын Хорасан – индики Мәшһәд шәһәриндәдир. Бу ҝүн мүхтәлиф өлкәләрдән сајсыз-һесабсыз инсан Һәзрәт Имамы (Она салам олсун) зијарәт етмәк үчүн Мәшһәд шәһәринә ҝәлир, Имамын (Она салам олсун) васитәсијлә Аллаһдан һаҹәтләрини диләјир, дуалары мүстәҹәб олур, шәфа тапырлар.
Диггәт: Хәбәрдән истифадә етдикдә мәнбәјә истинад лазымдыр
