Әһлибејт(ә) Хәбәр Аҝентлијинин вердији мәлумата ҝөрә-Нојабрын 16-да Бакы Ағыр Ҹинајәтләр Мәһкәмәсиндә "Мүсәлман Бирлији" Һәрәкатынын һәбсдә олан сәдри Талеһ Бағырзадә, АХҸП сәдринин мүавини Фуад Гәһрәманлы вә диҝәрләринин нөвбәти мәһкәмә иҹласы кечирилиб.
Талеһ Бағырзадә: "Мәһкәмәјә ҝәләнләр тәһдид едилир"
Һаким Әлөвсәт Аббасовун сәдрлик етдији иҹласда тәгсирләндирилән Талеһ Бағырзадә билдириб ки, мәһкәмәдә иштирак етмәк үчүн ҝәлән гоһумлары, танышлары иҹласда иштирак етмәздән әввәл нәзарәтчиләрә шәхсијјәт вәсигәләрини вериб, мәһкәмә залына просесә дахил олурлар:
"Һәмин адамлар евләринә гајытдыгдан сонра шәхсијјәт вәсигәләрини кимсә ҝәлиб бурадан ҝөтүрүр, бирбаша үнванлардан чағырырлар, тәһдид едирләр ки, ора ҝетмәјин, орада иштирак етмәјин. Шәхсијјәт вәсигәләрини бурада алан кимдирсә, бу ишләрә ким бахырса, о, бирбаша мәсулијјәт дашыјыр. Бу, биринҹи мәсәлә. Бунунла бағлы хаһиш едирәм ки, конкрет тапшырыг верәсиниз ки, бу ишләр дајандырылсын. Шаһидләр дә, ҝәләнләр дә тәһдид едилир. Хүсусилә Нардарандан ҝәлән инсанлара, гадынлара белә, полис тәрәфиндән һал-һазырда конкрет тәһдид вар ки, ора ҝетмәјин, иштирак етмәјин мәһкәмә просесиндә".
Һөкумәт ағлыны итириб
Талеһ Бағырзадә дејиб: "Икинҹи, ән әсас мәсәлә будур ки, мән һәгигәтән чох нараһатам. Китабча мәним әлимә ҝәлиб чатды, сөзүн ачығы, о гәдәр диггәтлә мүталиә етмәмишдим. Белә бир шеј вар дә. Адам ола билсин башгасынын евинин ичини билмир, евинин ичиндә ола биләр проблемләр олсун, евин ичиндә од јансын, түстүләнсин. Биз һакимијјәти тәнгид едәндә онун түстүсүнү ҝөрүрүк. Бунлар бизим һаггымызда ҝөрүн нә јазырлар. Јазыблар ки, һарамчылығын вә фаһишәлијин тәрәннүмү һөкумәтдир. Јәни өз һөкумәтләрини, онун фаһишәлијини бунлар јахшы билирләр. Биз белә шејләр демәмишик. Мән ону демәк истәјирәм ки, бу просес дајандырылмалыдыр. Һакимијјәт башына бир әлаҹ гылмалыдыр ки, һакимијјәтин ичиндә олан адамлар-ДИН бу сөзләри-позғун сөзләри һакимијјәтин үнванына дејир. Өзләри дејир. Мән һеч нә демирәм. Мән түстүнү дејирәм, амма од мәсәләсини өзләри дејирләр. Өзләри билирләр ки, нәдиләр. Бу, там ҹидди мәсәләдир. Мәһкәмә просеси, бу китабчалар... Һөкумәт ағлыны итириб. Бу просес дајанмалыдыр. Мән башга бир шеј ҝөрмүрәм. Мән баша дүшмүрәм, мәһкәмәни дә баша дүшмүрәм, һакимијјәти дә баша дүшмүрәм ки, бунлар артыг өзләринә бу сөзү дејирләрсә, мәһкәмәнин ҝетмәјинин, бизи мүһакимә етмәјин нә фајдасы вар?".
Талеһ Бағырзадә исә билдириб ки:
...Кәрбәлада Имам Һүсејни, онун әтрафыны, аилә үзвләрини гәтлә јетирән Језид ибн Мүавијјә өзү Кәрбәлаја ҝәлмәмишди. Језид ибн Мүавијјә өзү Кәрбәлаја ҝәлмәмишди. Өз адамларыны ҝөндәрмишди. Инди бу мәһкәмә дә...".
Һаким онун чыхышыны дајандырыб. Талеһ Бағырзадә исә она "Ҹәнаб һаким, сиз нијә Језид мәсәләсиндән чәкинирсиниз? Демәли, бунун сизә адијјаты вар" суалыны вериб. Һаким дејиб ки мәһкәмәни башга васитәләрә охшатмаг олмаз.
Мәһкәмәнин нөвбәти иҹласы нојабрын 18-нә тәјин едилиб.
Диггәт! Хәбәрдән истифадә етдикдә мәнбәјә истинад лазымдыр!
