Әһлибејт (ә) Хәбәр Аҝентлијинин вердији мәлумата ҝөрә - АБШ һал-һазырда дүнјада 7 өлкәни бомбалајыр. Бу 7 өлкәләр дә мүсәлман өлкәләрдән ибарәтдир:
1-Әфганыстан
11 Сентјабр һүҹуму бир чохлары тәрәфиндән дүнјада бир дөнүш нөгтәси олараг ҝөрүлүр. Һүҹумдан дәрһал сонра АБШ Әфганыстаны ишғал етди. 2001-ҹи илдә ишғал едилән Әфганыстанда АБШ вә НАТО гүввәләри сөздә 15 илдир Талибанла мүбаризә едир. Әфганыстан, АБШ тарихинә ән узун давамлы дөјүш олараг јазылды.
2- Пакистан
АБШ-ын бомбаладығы өлкәләрдән бири дә Пакистандыр. АБШ бирбаша Пакистаны ишғал етмәмиш олса да, Пакистан-Әфганыстан сәрһәдиндә, гондарма Әл-Гаидә вә Талибан ҝүҹләрини бомбалајыр.
3-Јәмән
Јәмән дә АБШ-ын һава һүҹумларындан зәрәр чәкән өлкәләрдәндир. Бу ҝүнләрдә Сәудијјә Әрәбистанынын коалисија ҝүҹләри өлкәдә мәзлум вәтәндашлары бомбалајыр. Узун замандыр һава һүҹумларынын һәдәфи олан Јәмәндә санки бир инсани фаҹиә јашаныр.
4- Ираг
Ирагын 2003-ҹи илдә ишғал едилмәси Јахын Шәргдә 10 илдән чохдур јашанан хаосун сәбәбләриндән бири олараг ҝөстәрилир. Бу вәзијјәт ишиди кими террор тәшкилатларынын јаранмасына да зәмин һазырлады.
5- Сурија
Сурија АБШ тәрәфиндән бомбаланыр.
6-Ливија
Ливија, Муаммер Гәддафинин деврилмәси заманы Франсанын лидерлијиндә бомбаланмаја башланды. Гәддафидән сонра динҹлик тапа билмәјән Ливијада јаранан бошлуғу гијмәтләндирән ИШИД бир чох бөлҝәни идарәсинә кечирди. АБШ, Өзүнүн јаратдығы ИШИД бәһанәсијлә Ливијаны да вурур.
7- Сомали
2012-ҹи илдә Әл Гаидәјә бағлылығыны елан едән Әш Шәбаб Сомалидә вәтәндашлары гәтл едән бир тәшкилатдыр. Бир чох өлкә тәрәфиндән террор сијаһысына алынды. АБШ, бу тәшкилаты бәһанә едәрәк Сомалини дә вахт ашыры бомбалајыр.
Гејд едәк ки, бу ҹинајәтләр АБШ-ын өз мүдахиләсини ачыг шәкилдә билдирдији ҹинајәтләрдир. Демәк олар ки дүнјада баш верән чахнашмаларын чохунун,истәр бир баша истәрсәдә долајысы јолла, сәбәбкары Бирләшмиш Штатлар һакимијјәтидир!
Диггәт! хәбәрдән истифадә етдикдә мәнбәјә истинад лазымдыр!
