Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹанын танынмыш илаһијјатчысы сејид Елман Ағајевин вәкили Акиф Әлијев мүввәкилинин сәһһәтиндә бир сыра проблемләр јарандығыны дејиб: "Сејид Елман билдирир ки, Баш Мүтәшәккил Ҹинајәткарлыгла Мүбаризә Идарәсинин әмәкдашлары тәрәфиндән сахланылдығы заман башындан алдығы зәрбәләрә ҝөрә башында кәскин ағрылар олур. Мүәјјән һәддә шишләр дә мөвҹуддур. Бунунла бағлы прокурорлуг гаршысында вәсатәт галдырдыг. Тәмин олунду ки, пенитенсиар хидмәтиндән кәнарда, 1 сајлы Шәһәр Клиник Хәстәханасында мүајинәдән кечсин. Гәрар верилсә дә, һәлә ки, иҹра олунмајыб.”
Вәкил Акиф Әлијев даһа сонра дејиб: “Елман Ағазадәнин мүајинә олунмасы ҝеҹикдирилир. Икинҹи мәсәлә бөјрәк ја да простат вәзиләриндәки кәскин проблемләр јараныб. Бунунла бағлы мүраҹиәт етмишәм пенитенсиар хидмәтин баш идарәсинә. Һазырда бу ишлә мәшғулдурлар. Дүнән Елман Ағајеви мүајинәјә. Бу ҝүн дә мүалиҹә үчүн апармалыјдылар. Әлагә сахлаја билмәмишәм. Бахаг ҝөрәк нә олаҹаг."
Руһани Елман Ағајевин иши илә бағлы исә вәкил бунлары дејиб: "Истинтаг әмәлијјатлары апарылмыр, август ајында маддәләрдә бир балаҹа дәјишик олду. Елә һәмин заман Баш Мүтәшәккил Ҹинајәткарлыгла Мүбаризә Идарәсинә апарылды бир дәфә. Сахланылдығы ҝүндән бу јана һәр һансы бир истинтаг иши апарылмыр. Белә үмуми ишдә һеч бир дәјишиклик јохдур."
Хатырладаг ки, өтән илин нојабр ајынын 26-да Баш Мүтәшәккил Ҹинајәткарлыгла Мүбаризә Идарәсинин әмәкдашлары Нардаран гәсәбәсиндә әмәлијјат кечирибләр. Әмәлијјат заманы “Мүсәлман Бирлији” һәрәкатынын рәһбәри Тале Бағыров вә чох сајда кәнд сакини сахланылыб. Ејни әрәфәдә дә Бакы, Ләнкәран вә Ҝәнҹә шәһәрләриндә дә әмәлијјатлар кечириләрәк чох сајда диндар вә руһани сахланылыб. Ләнкәранда тәшкил олунан әмәлијјат заманы илаһијјатчы сејид Елман Ағајев , Бакыда кечирилән әмәлијјат заманы илаһијјатчы, Гуран елмләри үзрә мүтәхәссис Зүлфүгар Микајылзадә сахланылыб.
Сахланылан шәхсләрин ҹинајәт иши үзрә истинтаг бир нечә јерә ајрылыб. Һазырда Бакы Ағыр Ҹинајәтләр Мәһкәмәсиндә Талеһ Бағыров вә диҝәр 18 нәфәрин мәһкәмәси давам етдирилир.
Диггәт: Хәбәрдән истифадә етдикдә мәнбәјә истинад лазымдыр
22 sentyabr 2016 - 21:25
Xəbər kodu: 780836
Вәкил Акиф Әлијев даһа сонра дејиб: “Елман Ағазадәнин мүајинә олунмасы ҝеҹикдирилир. Икинҹи мәсәлә бөјрәк ја да простат вәзиләриндәки кәскин проблемләр јараныб. Бунунла бағлы мүраҹиәт етмишәм пенитенсиар хидмәтин баш идарәсинә. Һазырда бу ишлә мәшғулдурлар. Дүнән Елман Ағајеви мүајинәјә. Бу ҝүн дә мүалиҹә үчүн апармалыјдылар. Әлагә сахлаја билмәмишәм. Бахаг ҝөрәк нә олаҹаг."
