33 ҝүнлүк Исраил-Һизбуллаһ мүһарибәсинин илдөнүмү ҝүнү Сејјид Һәсән Нәсруллаһын тарихи чыхышы

Әһли Бејт - АБНА – Хәбәр Аҝентлијинин вердији хәбәрә әсасән, Һизбуллаһ Мүгавимәт Һәракатынын Баш Катиби Һөҹҹәтүл Ислам вәл Мүслимин Сејид Һәсән Нәсруллаһ һәм Һизбуллаһын Исраил режими үзәриндә гәләбәнин 10 иллији мүнасибәтилә, һәм дә Гәрби Асија (Јахын Шәрг) реҝионунда јашанан сон һадисәләрлә бағлы ҹүмә ҝүнү чыхыш едиб.

О, Һизбуллаһ вә бүтүн мүсәлманлар үзәриндә ојнанылмасы истәнилән ојунлара диггәт чәкәрәк билдириб ки, мүсәлманлар үчүн мәғлубијјәт дөврү битмишдир. Һ.Нәсруллаһын чыхышынын әсас мәтнини тәгдим едирик:

   “Бисмилләһир Раһмәнир Раһим!

Аллаһын јардымы вә инајәтилә гәләбә шәрәфи вә гүруру јашадыг. Сионист дүшмәнә гаршы мүһарибәдә бизи мүдафиә едән вә биздән көмәјини әсирҝәмәјән Аллаһа һәмд олсун! Мүгавимәтин гурдуғу орду , халг, дөвләт хәттинә дәстәк верән вә бу мүгавимәтин јанында дајанан һәр кәсә миннәтдарыг.

Исраилин “Ијул 2006” һәдәф вә мараглары чох бөјүк иди. Биз бу һәдәфләринә мане олараг гәләбә газандыг. 2006 Ијулунда Исраил иҹрасыны үзәринә ҝөтүрдүјү Америка гәрарларына ҝөрә Ливанла мүһарибә етди. Бизи торпаға басдырыб силаһларымызы әлимиздән алаҹагдылар. Бизим фәалијјәтләримизи мәһдудлашдыраҹагдылар. Планлары бу иди. Бүтүн бунлар Ҹ.Рајсын елан етдији “Јени Јахын Шәрг” планы чәрчивәсиндә һәјата кечирилирди. Әввәлҹә, Һизбуллаһы, сонра Суријаны, сонда да бүтүн Фәләстин мүгавимәт групларыны мәһв едәҹәкдиләр. Фәгәт баҹармадылар! Һизбуллаһ һәмин ҝүн мүдафиә мөвгејиндә иди вә Һизбуллаһын планлары дүшмәни һәдәфләриндән ҝери чәкилмәјә вадар етмәк иди. Бу мүһарибәдән сонра Исраил һәрби, игтисади вә сијаси бахымдан чох бөјүк јаралар алды.

2006 Гәләбәмиз Исраил ордусунда әнәнәви Бен Гурион тәлимләрини јерлә бир етди. 2006-дан бәри Исрал һәлә дә ишғал алтында сахладығы торпагларда һәр һансы дөјүшдә һеч ҹүр гәләбә газана билмәди. Сионистләр 2006-дан сонракы Гәзза мүһарибәсиндә һәдәфләрини ачыг шәкилдә елан едә билмәдиләр. Чүнки ондан әввәлки мүһарибәдә мәғлубијјәтин аҹысыны даддылар. Бу мәғлубијјәт сионист режим үчүн тәһдидә чеврилди. 2006-дан әввәл АБШ-ын Ирагдакы мөвҹудијјәтинә архајын идиләр.

Амма инди артыг сионист режим үстүнлүк үчүн дејил, һајатда галмаг үчүн планлар гурур. Шимон Перес мүһарибәдән әввәл әрәб халгынын Исраили артыг гәбул етдијини сөјләјирди, амма мүһарибәдән сонра бу дејиләнләр дәјишди.

Диггәтинизи башга бир нөгтәјә чәкмәк истәјирәм. ИШИД-ин АБШ рәсмиләринин әли илә гурулдуғуна даир етирафлар вә бәјанатлар вар. Бағдади кечмиш Америка “әсири”дир. Колани дә Бағдадинин кечмиш достудур, АБШ Сәуд режиминә бу гулдурлары малијјәләшдирмәк әмрини верди. Муздла алынан “алим”ләр вә силаһларла Ираг вә Суријада онминләрлә муздлу дөјүшчү илә бу террор грулары гурулду. Америкалылар бүтүн бунларла Һизбуллаһы зәифләтмәк, ону вурмаг үчүн ҝөз јумдугларыны етираф етдиләр.

АБШ бу тәкфирчи груплара “Јени Јахын Шәрг” лајиһәси чөкдүкдән сонра “јол ачды”. АБШ Ираг вә Әфганыстанда сыхышынҹа, Исрал һүҹум едә билмәди. Бу дәфә Сурија ордусуну мәһв етмәк үчүн Көрфәз өлкәләриндән истифадә етдирләр. Суријадакы планлары халгын ҝөзүнү тәкфирчи групларла горхудуб ону өлкәнин мүгәддәраты илә бағлы истәнилән плана разы олмаға мәҹбур етмәк иди. Обама сечиләрдә демократларын мөвгејини мөһкәмләтмәк үчүн ИШИД-ин әлиндән Мосул вә Ракканы алмаг истәјир.

ИШИД јох икән, бундан 5 ил әәввәл Әл-Гаидәјә "сиздән истифадә едиб сонра сизә һүҹум едиб сизи мәһв едәҹәкләр" демишдим. Јенә дејирәм: “Бөлҝәни зәифләтмәк үчүн сизи хәрҹләдиләр. Әҝәр ичиниздә дамла да олса иман варса, ДАЈАНЫН! АБШ-ын мөвгејинин ҝүҹләндирирсиниз. Өзүнүзү Бағдад, Дәмәшг, Пакистан, Әфганыстанда парладыб шәһид олдуг дејирсиниз. Нә үчүн? Киминмәнафејиуғрунда?”

Бизә дејирләр ки, мүһарибә ҹәбһәләрини тәрк един. Әҝәр мүһарибә мејданыны тәрк етсәк, ИШИД вә Нүсра бөлҝәни дағыдар. Биз буна имкан вермәјәҹәјик. Ушаглығымдан бәри Ашура мәҹлисләриндә мүһарибә вә ја тәслим олма арасында “ҺЕЈҺАТ МИННА ЗИЛЛӘ!” (Зилләт биздән узагдыр!) дејә бүтүн ҹисмим һајгырды. Бизә гаршы планлар вә тәләләр гурмаг истәјәнләрә дејирәм ки, биз өлдүрүлмәклә мәғлуб олмарыг.

МӘҒЛУБ ЕДӘ БИЛМӘЈӘҸӘКСИНИЗ! Мәғлубијјәтләр дөврү архада галмышдыр, артыг гәләбәләр дөнәминдәјик!

2006-дан бәри едә билмәдикләрини инди ифтира вә ләкәләмәклә етмәјә чалышырлар.

   Вәссалам!”

Диггәт: Хәбәрдән истифадә етдикдә мәнбәјә истинад лазымдыр.