Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мүсәлман Бирлији Һәрәкатынын рәһбәри Тале Бағырзадә өзү, Зүлфүгар Микајылзадә, АХҸП сәдринин мүавини Фуад Гәһрәманлы вә даһа 16 нәфәрин Ијулун 22-дә бу иши үзрә Бакы Ағыр Ҹинајәтләр Мәһкәмәсиндә һазырлыг иҹласында дејиб: "Мәмурлар о гәдәр гудурублар ки, өз рәһбәрләрини "оғру Илһам Әлијев" адландырырлар. Буну мәним адымдан јазмаг нә демәкдир? Бу китабча бүтүн бу ишин талејини һәлл еләјир ".
Тәгсирләндирилән шәхсләрдән бир нечәсинин вәкилләри онларын барәсиндә һәбс-гәтимкан тәдбиринин дәјишдирилмәси барәдә вәсатәтләр галдырыблар.
Тале Бағырзадә исә бир даһа иш материаллары арасында олан "Һаҹы Тале Бағырзадәнин мүраҹиәти" адлы китабчадан данышыб:
"Истинтаг бизә 23 маддә илә иттиһам вериб вә бунларын да һамысы о китабчанын үзәриндә гурулуб. Бүтүн тутулан адамларын евиндән о китабчаны "чыхарыблар". Кечән дәфә дә дедим ки, о китабча 26 нојабрдан сонра һазырланыб. Бу да истинтагын гурамасыды. Сәһвләрлә јанашы, орада белә бир ҹүмлә дә вар: "Тале Бағырзадә дејир ки, оғру Илһам Әлијевә гаршы чыхын". О китабчанын да, бу сөзүн дә мәнә аидијјәти јохдур. Бу китабча ја ДТХ, ја ДИН, ја прокурорлуг, ја Президент Апаратында һазырланыб. Мәмурлар о гәдәр гудурублар ки, өз рәһбәрләрини "оғру Илһам Әлијев" адландырырлар. Буну мәним адымдан јазмаг нә демәкдир? Бу китабча бүтүн бу ишин талејини һәлл еләјир".
Мәһкәмә ики һазырлыг иҹласында вәкилләрин галдырдығы чохсајлы вәсатәтләрин һеч бирини тәмин етмәјиб.
Тәгсирләндирилән Аббас Һүсејнов Әлөвсәт Аббасовун сәдрлик етдији һакимләр коллеҝијасынын вәсатәтләрин һеч бирини тәмин етмәмәсинә етиразыны билдириб:
"Бу, мәһкәмә дејил, тамашады. Сиз бурада ЈАП мәмурларыны мүдафиә едирсиз. Мәнә бирдәфәлик өмүрлүк верин, чыхым ҝедим. Мән бурада сизин үчүн ојунҹаг дејиләм, мән мәһкәмәјә ҝәлмәк истәмирәм. Дејин, мәни ҝәтирмәсинләр".
Һаким она хәбәрдарлыг едиб:
– Сиз гајдалары позурсуз, хәбәрдарлыг едирәм.
– Мән гајдалары позурамса, сиз ганунлары позурсуз, инсанлара диван тутанлары мүдафиә едирсиз.
Иш үзрә мәһкәмә бахышы августун 3-нә тәјин олунуб.
Даһа сонара Нәсими Рајон Мәһкәмәсиндә илаһијјатчы Зүлфүгар Микајылзадә барәсиндә сечилмиш һәбс гәтимкан тәдбиринин узадылмасы илә бағлы истинтаг органынын вердији тәгдимата бахылыб.
З. Микајылзадә барәсиндә сечилмиш һәбс гәтимкан тәдбиринин мүддәти 4 ај артырылыб.
Гејд едәк ки, 2015-ҹи ил нојабрын 26-да Илһам Әлијевин бир баша нәзарәти илә ДИН-ин Бакынын Нардаран гәсәбәсиндә һеч бир чәкилиш апармадан ганунсуз әмәлијјат кечириб. Анти-ганун әмәлијјатында икиси полис олмагла 7 нәфәр әлисилаһлә ДИН-ин әмәкдашлары тәрәфиндән һәлак олуб. Рәсми медиа Нардаранда вә Сабунчу полис идарәсинин гаршысында баш верән һадисәләрә ҝөрә 70 нәфәрин сахландығыны билдирмишди. Онларын әксәријјәти бир нечә ҝүн сонра азад едилиб, бир һиссәси исә 1 ил 6 ајдан 2 ил 6 аја гәдәр һәбс ҹәзасы алыблар.
Диггәт: Хәбәрдән истифадә етдикдә мәнбәјә истинад лазымдыр
