Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сон бир нечә һәфтә әрзиндә дүнјада чох ҹидди просесләр баш верир. Инҝилтәрәнин Гәрб Иттифагындан чыхмасы вә бунун дүнја игтисадијјатына гојдуғу тәсир кифајәт гәдәр ҹидди олду. Ејни заманда Түркијә президентинин Русија президентиндән үзр истәмәси вә ики өлкә арасындакы просесләрин инкишаф мәрһәләсинә дахил олмасы да мүзакирә олунан әсас мөвзулардан олду. Баш верән террор һадисәләри дә просесләрин ҝәрҝинлијини кифајәт гәдәр артыра билди.
Политолог Фикрәт Садыгов Дејерлер.орҝ-ла фикирәрини бөлүшәркән дејиб ки, дүнјада баш верән просесләрин әсас сәбәби апарыҹы дөвләтләринин өз марагларына ујғун сијасәт апармалары илә бағлыдыр: “Бу ҝүн дүнјада мәркәздән гачма просесләри ҝедир. Бир сыра дөвләтләр мәркәздән узаглашмаг фикриндәдирләр. Инҝилтәрә бариз нүмунәдир вә бир сыра дөвләтләрин дә бу ҹүр нијјәтләринин олмасыны узаг еһтимал дејил. Биз “әрәб баһары”ы дөврүнү дә јашадыг вә ҝөрдүк ки, нәләр баш верди. Мигрант бөһранынын, террорун баш галдырмасы вә с. Бу просесләр дүнјанын ҝеосијаси дурумуна тәсир ҝөстәрмәјә билмәзди. Биз һәтта Русија-Түркијә мүнасибәтләринин ҝәрҝинләшмәсини мүшаһидә етдик. Бу да фактики олараг вурулан тәјјарәнин нәтиҹәси иди. Јахын Шәргдә баш верән һадисәләр бу ики дөвләт арасында да ҝәрҝинлик јашанмасына сәбәб олмушду. Бурада илк нөвбәдә апарҹы дөвләтләрин мараглары вә бәзән онларын дүзҝүн сијасәт апармамасынын фәсадларыны ҝөрүрүк. Бу ҹүр ҝүҹ мәркәзләринин Јахын Шәргдә дағыдыҹы бир сијасәт апардыгларыны мүшаһидә етдик. Әслиндә Әл Гаидә, ИШИД, Нусра вә с. кими террор груплашмалары бу ҝүҹ мәркәзләринин әмәлләринин нәтиҹәси иди. Нәһајәт биз мүшаһидә едирик ки, просесләр чох ҹидди характер дашымаға башлајыб. Түркијә дахилиндә баш верән просесләр дә мәһз бу кими амилләрин аҹы нәтиҹәсидир. Дүшүнүрәм ки, дүнјада баш верән просесләрин әсас сәбәби апарыҹы дөвләтләринин өз марагларына ујғун сијасәт апармалары илә бағлыдыр. Һәтта сон вахтлар бу ҹүр ҝүҹ мәркәзләри атдыглары аддымларын сәһв олдугларыны да етираф едирләр. Бунлардан бири кими, Ливија илә бағлы едилән тарихи етирафы гејд етмәк олар. АБШ рәһбәрлији Ливијада һәрби әмәлијјатларын кечирлмәсинин дүзҝүн олмадығыны бу ҝүнләрдә етираф етмишди. Јәни үмуми олараг бу ҹүр дүшүнүлмәмиш аддымлар бу ҝүн дүнјаны хаоса сүрүкләјир”.
Политолог Һикмәт Һаҹызадә Дејерлер.орҝ-ла фикирләрини бөлүшәркән дејиб ки, дүнјада баш верән просесләр дүнјаны ағушуна алан һипер информасијанын ҝәтирдији нәтиҹәләрдир: “Дүнјада баш верән бу хаотик просесләрин әсас гајнағыны һәлә һеч кәс ача билмәјиб. Амма бу ҝүн дүнјанын ҝеосијаси дурумунда бир ҝәрҝинләшмә вар. Сирр дејил ки, дүнјада чох ҹидди ҝизли просесләр ҝедир. Бу ҝүн көлә халгларын ојанмасы баш верир. Узун заман савадсыз бир күтлә кими идарә олунан халглар бу ҝүн өз һагларыны тәләб етмәк үчүн ајаға галхмаға башлајыб. Тәбии ки, бу күтлә бәзән сивил јолла дејил, өз ҝүҹләри чатан јолла һаг тәләб етмәјә үстүнлүк верир. Бу да дүнјада чох пис нәтиҹәләр верир. Дүнјада савадлы кәсим һипер информасијалар ағушундадыр. Онлар һипер информасијаларын ҝәлмәсиндән чыхан нәтиҹәләрлә баҹара билмирләр. Бу да диҝәр тәрәфдән дүнјада ҝедән просесләрин дүзәнини позур. Үмуми олараг демәк олар ки, дүнјада баш верән просесләр дүнјаны ағушуна алан һипер информасијанын ҝәтирдији нәтиҹәләрдир”.
Диггәт: Хәбәрдән истифадә етдикдә мәнбәјә истинад лазымдыр
