Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹанда јәһудиләшмә сијасәти заһирән көлҝә алтына салынса да лакин заман кечдикҹә өзүнү бүрузә вермәкдәдир. Белә ки, сионист исраил режиминин Азәрбајҹан Милли Мәҹлисиндәки бир нөмрәли ҹасусу Губа јәһудиси Јевда Абрамовун исраилдән Гарабағ торпагларына 80 мин сионистин ҝәтирилмәси тәклифи ардыјҹа Азәрбајҹан Халгынын тарихи ирси дағыдылыр. Белә ки, ики ҝүн өнҹә, Бакы вахты илә, ахшам саатларында "Советски”дә – Јасамал рајону М.Мухтаров күчәси 83 үнванында јерләшән, 1889-ҹү илдә Һаҹы Зүлфүгар Аға тәрәфиндән Нәҹәфи Әшрәфдә 14 ил Али Дини Тәһсил алмыш күрәкәни Мирәләкбәр аға үчүн тиктирдији “Мәсҹид” Илһам Әлијев режими тәрәфиндән амансызҹасына дағыдылыб.
Фактхеберин мүхбиринә ачыглама верән Мирәләкбәр ағанын нәвәләриндән бири билдириб ки, бу Мәсҹид вә ја онун әразисинә биз ҝөз тикмәмишик! Бизә халгымызын тарихи әсәринин сахланылмасы мүһүмдүр.
О, әлавә едиб ки, әлимиздә Мәсҹидин тикилмә тарихи, купчасы вә с. сәнәдләри олдуғу һалда һеч кәс буна бахмады вә һәтта Милли Академија тәрәфиндән Јасамал Рајонун Иҹра Башҹысынын Ы мүавини Сәмәд Исмајылов бизә мәктуб үнванлады. Мәктубда ҝөстәрилди ки, бура Н: 3700 тарихи абидәләр сырасына дахилдир вә сөкүлмәјәҹәк.
Рәсми мәнбәләрдә билдирилир ки, Јасамал рајону әразисиндә сөкүнтү, абадлыг ишләри һәјата кечирилир вә апарылан јенидәнгурма ишләринин планына әсасән тарихи мемарлыг абидәсини сөкмәк гәрары верилиб.
Гејд едәк ки, ады чәкилән “Мирәләкбәр аға Мәсҹиди” 1927-ҹи илдә ССРИ Аллаһсыз режими тәрәфиндән бағланылараг АзДрам-ын емалатханасы кими истифадәјә верилдији һалда 1990-ҹы илдән сонра Азәрбајҹан Дөвләт "Јуғ” театрынын истифадәсиндә олан тарихи мемарлыг абидәси мәһв едилди.
Диггәт: Хәбәрдән истифадә етдикдә мәнбәјә истинад лазымдыр
