Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹанын Талыш бөлҝәсинин танынмыш Руһани сималарындан бири олан Һаҹы Мирәзиз Аға Талыблы вәфат едиб.
Бир чох ҝәнҹ руһаниләр үчүн дајаг нөгтәси олан Һаҹы Мирәзиз Аға бүтүн әхлаги вә мәнәви дәјәрләрә малик бир шәхсијјәт олмасы илә јанашы һәм дә, кечмиш алимләрлә индики алимләримиз арасында бир көрпү ролуну ојнамышдыр.
Мәрһум бу ҝүн март ајынын 16-да саат 11:00-да Ҹәлилабад рајон Сәттархан кучәсинин гәбиристанлығында торпаға тапшырылаҹаг.
Дәфн мәрасиминдә өлкәнин мүхтәлиф јерләриндән дин хадимләри, руһаниләр, о мәрһумун шаҝирдләри вә рајон сакинләри иштирак едәҹәк.
Гејд едәк ки, Һаҹы Мирәзиз Аға Сејид Гүдрәт оғлу Талыблы 1942-ҹи илдә Јардымлы рајонунун Бөјүк Шыхлар кәндиндә анадан олмушдур. 1960-ҹы илдә һәмин кәндин мәктәбиндә једди иллик тәһсилини баша вурдугдан сонра, Ҹәлилабад рајонунун Һәзиабад кәндинә јолланмыш, Һаҹы Мирәјјуб Ағадан Гуран гираәтини өјрәнмишдир. 1961-ҹи илдән 1964-ҹү иләдәк Биләсувар рајонунда јашамыш, Молла Һүсејндән әрәб дили синтаксиси вә морфолоҝијасыны (сәрф вә нәһв елмләрини) өјрәндикдән сонра, 1964-ҹү илдә Лерик рајонунун Зенони кәндинә ҝетмиш вә үч ил дә Нәҹәф алими Молла Гәләмдән тәһсил алмышдыр.
1967-ҹи илдә Масаллы рајонунун Чахырлы кәндинә үз тутмуш Һаҹы Мирәзиз Аға 1971-ҹи иләдәк “орада Шәраје” вә “Шәрһи-лүмә” китабларыны Шејх Рәһмәтдән дәрс алмышдыр. 1998-ҹи илдә дүнјаја ҝөз ачдығы Шыхлар кәндиндән Ҹәлилабад рајонуна көчмүш вә оарада мәскунлашмышдыр.
Һаҹы Мирәзиз Аға 1971-ҹи илдән Исламын тәблиғи илә мәшғул олмушдур. Онунла бирликдә онларла руһани јетишдирмиш Талыш бөлҝәсинин танынмыш руһаниси рәһмәтлик Молла Бәјләр әми, Биләсувар рајонунун танынмыш руһаниси рәһмәтлик Молла Әһмәд вә бир нечә диҝәр руһаниләр Биләсуварда рәһмәтлик Молла Һүсејнин һүзурундан бәһрәләнмишләр. Һәгигәтән дә, Молла Һүсејнин јетишдирдији тәләбәләр Совет дөврүндә дини горујуб-сахлаја билмишләр. Совет һакимијјәти дөврүндә Мирәзиз Аға кими шәхсијјәтләр синәләрини ирәли вериб инсанлара Аллаһы танытдырмышлар.
Аллаһ Һаҹы Мирәзиз Ағаја вә онун пак вә зәһмәткеш мүәллимләринә рәһмәт еләсин!
Диггәт: Хәбәрдән истифадә етдикдә мәнбәјә истинад лазымдыр
