Мүбариз Мәнсимовун ИШИД-лә ОҒУРЛУГ нефт бизнеси

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹанлы иш адамы Мүбариз Мәнсимовун дүнјанын ән гәддар террор тәшкилаты олан вә бир баша сионист гүввәләр тәрәфиндән дәстәкләнән сәләфи әгидәли ИШИД илә разылашдырылмыш нефт бизнесинә даир јени мәлуматлар јајылыб.

Мәлумата ҝөрә, Испанија мәнбәләри Ираг Күрдүстан әјаләтиндә һазырда ИШИД-ин нәзарәтиндә олан Кәркүк-Ҹејһан нефт кәмәри васитәсилә Түркијәнин Ҹејһан лиманына Бағдад һөкумәтинин разылығы олмадан нәгл едилән нефтин Мәнсимовун танкерләри илә дашындығыны билдирир.

“Ел Еҹономиста” гәзетиндә јер алан мәлуматда дејилир ки, нефт гачагмалчылығы ИШИД-ин әсас ҝәлир гајнагларындан биридир.

Бу террор тәшкилатынын нәзарәтиндә олан әразиләрдән  нә гәдәр нефт һасил олундуғуна даир мүхтәлиф рәгәмләр вар.

Лакин тәхмини һесабламалара ҝөрә һазырда ИШИД Ираг вә Сурија әразисиндәки јатаглардан ҝүндә 1,5-2 милјон баррелә гәдәр нефт һасил едә биләр.

Мүгајисә үчүн гејд едәк ки, бу, Азәрбајҹанын БТҸ илә ихраҹ етдији нефтин һәҹминдән аз гала ики дәфә чохдур.

ИШИД-ин бу нефт һасилатындан әлдә етдији ҝәлир исә ОПЕҸ-ә үзв олан бәзи өлкәләрин нефт ҝәлирләри илә мүгајисә олуна биләр.

Террорчу груплар Ираг нефтини базар гијмәтиндән аз гала ики дәфә уҹуз сатыр. Трејдерләрин јанаҹагдашыјан машынлары ИШИД-дән оғурлуг нефт алмаг үчүн һәфтәләрлә нөвбәдә дајанырлар. Онлар ИШИД-дән нефти 25-30 доллара алыр, даһа сонра нефтајырма заводларына, јахуд васитәчиләр үзәриндән дүнја базары гијмәтләринә сатыр. Бу сәбәбдән ИШИД-лә оғурлуг нефт алвери олдугҹа сәрфәли бизнесдир.

Бундан әввәл Гәрб мәнбәләриндә Мәнсимовун ширкәтинә аид танкерләрин ИШИД террорчуларынын оғурладыглары Ираг нефтини дашыдығы һагда хәбәрләр јајылыб.

“Ел Еҹономиста” гәзетиндә јер алан мәлуматда исә дејилир ки, Ираг күрдләри Бағдадын иҹазәси олмадан Кәркүк-Ҹејһан бору кәмәри илә Түркијәнин Ҹејһан лиманына нефт нәгл едир. Вә бу нефт нәгли үчүн ИШИД-дән иҹазә алмаг лазымдыр. Чүнки кәмәр ИШИД-ин нәзарәтиндәдир.

Бу ҝүнләрдә “Палмали Сһиппинҝ & Аҝенҹј” ширкәти тәрәфиндән кирајәләнмиш ики танкер Ҹејһан лиманындан Ирагын Күрдүстан әјаләтиндә чыхарылан нефт илә долдурулараг јола салыныб.

Даһа ики танкер исә ИШИД-ин иҹазәси илә һазырда јүкләнмәкдәдир. Ираг һөкумәтинин хәбәрдарлығындан сонра апарыҹы ширкәтләрдән һеч ким бу нефти алмыр.

Анҹаг танкерләрин јүкләнмәси вә јола салынмасы ҝөстәрир ки, Ираг Күрдүстаны вә ИШИД гачаг нефтә алыҹы тапа билирләр.




Диггәт: Хәбәрдән истифадә етдикдә мәнбәјә истинад лазымдыр