Бәһреjнлиләрин Шеjх Салманын һәбсинә етиразлары давам едир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бәһреjн халгынын Милли Бирлик Ҹәмиjjәтинин баш катиби Шеjх Әли Салманын һәбсинә гаршы ҝениш етиразлары 121-ҹи ҝүнә дахил олуб.

Милли Бирлик Ҹәмиjjәтинин баш катиби Шеjх Әли Салман Бәһреjн халгынын гануни тәләбләринин реаллашмасына тәкид, еләҹә дә азадлыг, бәрабәрлик вә әдаләтин бәргәрарыны истәдиjинә ҝөрә, тәгрибән дөрд аjдыр ки, Али-Хәлифә мәһбәсиндәдир.
Бәһреjн халгынын ону һимаjә үзрә аксиjалары да бу өлкәнин бир нечә мәнтәгәсиндә, о ҹүмләдән Манама шәһәринин Әлмусәлла мәнтәгәсиндә кечирилиб вә аксиjачылар Шеjх Салманын азадлығы, онун мүһакимәсинин даjандырылмасы вә она гаршы иттиһамларын ҝөтүрүлмәсини истәjибләр.
Аксиjачылар һәмчинин бүтүн мәһбуслар вә танынмыш мүхалиф сималарын азад едилмәләрини вә мәһбусларын һүгугларынын позулмасынын даjандырылмасыны истәjибләр. Онлар вурғулаjыблар ки, Бәһреjн халгынын әдаләт вә демократиjанын гурулмасы үзрә тәләбләринә ҝөз jуммаг олмаз вә онлар бу тәләбләрин реаллашмасынадәк мүгавимәт ҝөстәрәҹәкләр.
Диггәт: Хәбәрдән истифадә етдикдә мәнбәjә истинад лазымдыр