Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ҹәнуби Африка полиси Јоһаннесбург әјаләтинин Александра шәһәриндә хариҹи вәтәндашын гәтлә јетирилмәси хәбәрини тәсдигләјиб.
Касыблар мәһәлләси кими танынан вә ҝениш бир әразини әһатә едән Мадала мәнтәгәсиндә әсәлән Мозамбикли олан Емануел Ҹәнуби Африкалы фотографын ҝөзләри өнүндә бычагла вәһшиҹәсинә гәтлә јетирилиб.
Гејд едәк ки, Александра мәнтәгәсиндә хариҹи вәтәндашлара гаршы белә бир ҹинајәт һадисәләри артыг өзүнә ади һал алыб. Африка дөвләти өлкәдә мүһаҹирләрә гаршы белә бир рәфтарлары мәһкум едиб.
Ҹәнуби Африка Республикасынын Баш Назири Малси Ҹиҝаба да өз чыхышында мәсәлә илә бағлы рәјини билдирәрәк гејд едиб ки, Јоһаннесбург өлкәнин ән бјүк тиҹарәт дөвријјәсини өзүндә ҹәмләшдирән әјаләтдир. Бу сәбәбдән дә, дөвләт Александра шәһәринә һәрби гүввәләр јеритмәјә мәҹбурдур.
Баш Назири Малси Ҹиҝабанын вердији рәсми статискаја әсасән ҹари милад ил башлајан ҝүндән бәри Ҹәнуби Африкада јашајан 307 хариҹи вәтәндаш јерли сакинләр тәрәфиндән вәһшиҹәсинә гәтлә јетирилмишдир.
Диггәт: Хәбәрдән истифадә етдикдә мәнбәјә истинад лазымдыр
