Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һәмас Ислам Мүгавимәт Тәшкилатынын һәрби ганады Шәһид Изуддин Гәссам Бригадасы өтән ҝеҹә, Әбабил пилотсуз тәјјарәнин макетини Гәззә Золағынын Әл Шуҹаијјә мәһәлләсиндә нүмајиш етдириб.
Пилотсуз тәјјарәнин ачылыш мәрасиминдә Һәмас Тәшкилатынын сијаси шөбәсинин үзвү Доктор Хәлил Әл Һәјјә олмагла бу тәшкилатын һәрби вә сијаси рәһбәрләри иштирак едибләр.
Мәрасим јәһуди ҹинајәткарлары тәрәфиндән террор едилән Доктор Әбдүл Әзиз Рентисинин Шәһадәтинин 11-ҹи ил илдөнүмүндә кечирилиб.
Мәрасимлә јанашы Изуддин Гәссам Бригадасы Әл Шуҹаијјә мәһәлләсиндә һәрби парад кечирәрәк Гүдсү ишғал етмиш исраил режимин тәшвишә дүшмәсинә сәбәб олуб.
Гејд едәк ки, јәһуди режими сонунҹу Гәззә мүһарибәсиндә Изуддин Гәссам Бригадасынын исраилин ән мүасир вә сон тәлимләр дөврәси ҝөрмүш Ҝолан Бригадасындан гат гат үстүн олдуғуна етираф етмишдир.
Иззуддин Гәссам Бригадасы пилотсуз тәјјарә илә бағлы вердикләри ачыгламаларында билдирибләр: “Әбабил пилотсуз тәјјарәси 1948 ҹи илдә јәһудиләр тәрәфиндән рәсмән ишғал олунмуш Фәләстин торпагларында бир чох сајда әмәлијјатлар һәјата кечириб. Белә ки, әмәлијјатлардан бири дә, мәһз ишғалчы сионист режимин мүһарибә назирлији бинасы үзәриндә учушлар олуб.”
Диггәт: Хәбәрдән истифадә етдикдә мәнбәјә истинад лазымдыр
