Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн Азәрбајҹан Ислам Партијасынын һәбсдә олан сәдри һаҹы Мөвсүм Сәмәдов вәкили Анар Гасымлы илә ҝөрүшүб.
Исламинсеси.орҝ-ун мүхбири вәкил Анар Гасымовла әлагә јарадараг һаҹы Мөвсүмүн дуруму илә марагланыб.
Вәкилин сөзләринә ҝөрә, мүвәккилинин сәһһәти илә бағлы ҹидди шикајәти олмајыб.
- Ҝөрүш заманы онда һансыса нараһатлыг һисс етдинизми?
- Билирсиниз, һаҹы мәнәви ҹәһәтдән чох ҝүҹлү инсандыр. Проблеми олса белә ону бирузә вермәмәјә чалышыр. Әсас наразылығы исә өлкәдә вә дүнјада баш верән иҹтимаи-сијаси просесләрдән хәбәрсиз олмасы, ҹәрәјән едән һадисәләрлә бағлы мәлуматсыз галмасыдр.
Билирсиниз ки, ҹидди режимли гапалы Гобустан һәбсханасында она гәзет вә журналларын верилмәси гадаған олунуб. Мәнимлә сөһбәтиндә илк нөвбәдә сон јениликләрлә марагланды, достларына вә јахынларына салам ҝөндәрди.
- Сиз Мөвсүм Сәмәдовун мәһкәмә сәнәдләрини Авропа мәһкәмәсинә тәгдим етмисиниз. Бу истигамәтдә һансыса мүсбәт јенилик вармы?
- Биз Авропа мәһкәмәсинә онунла бағлы ики иш ҝөндәрмишик, бир иш үзрә комуникасија мәрһәләси баша чатыб, вериләҹәк әсас гәрары ҝөзләјирик, о бири ишлә әләгәдар исә һәлә ки, мүһүм проседурлар башламајыб. Үмид едирик ки, јахын заманда бу мәсәлә илә бағлы мүсбәт јенилик ешидәҹәјик.
Диггәт: Хәбәрдән истифадә етдикдә мәнбәјә истинад лазымдыр
Азәрбајҹан вә Ислам
Гобустан һәбсханасына салынан АИП Лидери вә диҝәр мәһбусларын һүгуглары һәр ҝүн позулур
17 aprel 2015 - 17:38
Xəbər kodu: 684463
Анар Гасымлы: “һаҹы мәнәви ҹәһәтдән чох ҝүҹлү инсандыр. Проблеми олса белә ону бирузә вермәмәјә чалышыр. Әсас наразылығы исә өлкәдә вә дүнјада баш верән иҹтимаи-сијаси просесләрдән хәбәрсиз олмасы, ҹәрәјән едән һадисәләрлә бағлы мәлуматсыз галмасыдр.”
