Зәриф: Хариҹи өлкәләр Јәмәнин ҝәләҹәjи үчүн шәрт гоjмамалыдырлар

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иранын хариҹи ишләр назири Јәмәнин ҝәләҹәjи үчүн хариҹи өлкәләр тәрәфиндән шәртин тәjин едилмәмәли олдуғуну билдириб
Фарс хәбәр аҝентлиjинин мәлуматына ҝөрә, Иран хариҹи ишләр назири Мәһәммәд Ҹавад Зәриф Авро Нjус информасиjа каналы илә мүсаһибәдә Јәмәндә дахили мүзакирәләрин башланмасыны зәрури адландырыб вә геjд едиб ки, Јәмән мәсәләсинин һәлл jолу, бу өлкәдә дахили мүзакирәләрин башланмасыдыр.
Иранын хариҹи ишләр назири өлкәләри Әрәбистанын Јәмәнә гаршы һәрби әмәлиjjатларында иштиракдан чәкиндирәрәк, деjиб ки, башгалары Јәмән данышыгларында иштирак етмәмәлидирләр.
Иранын дипломатиjа идарәсинин башчысы деjиб: Хариҹи гүдрәтләр Јәмәнин ҝәләҹәjи үчүн шәрт гоjмамалы вә jа мүзакирәләр апармамалыдырлар. Онларын ҝөрмәли олдуғу иш, мүхтәлиф jәмәнли ҹинаһлар арасында диалогу асанлашдырмагдыр вә бу, Теһранын ҝөрмәjә һазыр олдуғу бир ишдир.
Әрәтбисанын һәрби тәjjарәләри мартын 26-дан бәри ардыҹыл сурәтдә Јәмәнин мүхтәлиф шәһәрләрини бомбалаjыблар вә индиjәдәк бу өлкә халгындан минләрлә нәфәр өлүб вә jараланыб. Бу һүҹумларда һәмчинин Јәмәнин инфраструктурлары бомбаланыблар.
Иран Јәмәндәки тоггушмалары даjандырмаг үчүн дөрд маддәлик бир план ирәли сүрүб ки, тәҹили атәшкәсә, Јәмәнә һуманитар jардымларын көчүрүлмәсинә, сиjаси мүзакирәләрин башланмасына вә нәһаjәт бу өлкәдәки бүтүн сиjаси тәрәфләрин иштиракы илә әһатәли бир дөвләтин тәшкилнә шамил олур.
Диггәт: Хәбәрдән истифадә етдикдә мәнбәjә истинад лазымдыр