Ҝенерал Пурдәстан: Реҝионун бүтүн һәрәкәтләри изләнилир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы ордусу Гуру Гошунлары команданы деjиб: Дүшмәнләрин тәкҹә сәрһәдләрдә деjил, сәрһәдләрдән кәнар, реҝионда вә реҝиондан кәнар бүтүн һәрәкәтләри изләнилир.
Сәһәр Беjнәлхалг Телевизиjасынын мәлуматына ҝөрә, ҝенерал-маjор Әһмәд Рза Пурдәстан чәршәнбә ахшамы ҝүнү Гуру Гошунларын мүштәрәк сәһәр мәрасиминдә Иран Ислам Республикасы ордусуну реҝионун ән ҝүҹлү вә ән игтидарлы ордусу адландырыб вә деjиб: Орду һеч вахт гәфләтә дүшмәjәҹәк вә дүшмәнләрин бүтүн һәрәкәтләри мүдафиә експертләри тәрәфиндән изләнилир вә тәһлил олунур.
Ҝенерал Пурдәстан һазырда һәдәләрин маһиjjәтинин дәjишдиjини вә силаһлы гүввәләрин дә бу һәдәләр гаршысында мүнасиб шәкилдә һазырландыгларыны бәjан едәрәк билдириб: Силаһлы гүввәләр, хүсусилә дә ордуда мүдафиә потенсиаллары jүксәлмиш вә Иран Ислам Республикасы ордусу реҝионун ән ҝүҹлү вә ән игтидарлы ордусудур.
Диггәт: Хәбәрдән истифадә етдикдә мәнбәjә истинад лазымдыр