Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Америка Бирләшмиш Штатларында гарадәрили вәтәндашлара гаршы агрессив һаллар артыг өзүнә ади һал алыб. Белә ки, сон бир нечә ај әрзиндә бир чох гарадәрили америкалы вәтәндаш һеч бир ҹинајәт акты төрәтмәдән ағдәрили полис мәмурлары тәрәфиндән вәһшиҹәсинә гәтлә јетирилирләр.
АБШ полис мәмурунун бир нечә ҝүн бундан өнҹә, гарадәрили вәтәндаша одлу силаһдан атәш ачмасы телефон камерасы илә гејдә алынараг сосиал шәбәкәләрдә пајлашылдыгдан сонра бөјүк һај күјә сәбәб олуб.
Ҹәнуби Каролина әјаләтинин Чарлестон шәһәринин мери ики ҝүн өнҹә олајла бағлы кечиртдији мәтбуат конфрансында билдириб: “Чарлестон шәһәринин 33 јашлы полиси Мајкел Слиҝер билә билә 50 јашлы гарадәрили Валтер Ти Скат адлы шүбһәли билинән шәхси гәтлә јетирдији үчүн артыг ҹинајәт мәсулијјәтинә ҹәлб едилмишдир.”
Гејд едәк ки, сосиал шәбәкәләрдә јајымланан видеочархда Чарлестонда баш веәрн ҹинајәт сәһнәси ајдын ҝөрсәнир. Ағдәрили америкалы полис мәмуру Мајкел Слиҝер силаһсыз олан вә фәрар едән һалда гарадәрили вәтәндаша архадан ҝүллә илә атәш ачараг өләнә кими вурур. Беләликлә дә, Слиҝер өзүнү мүдафиә етмә мәгсәди илә, вә јахуд шүбһәли шәхс тәрәфиндән баш верә биләҹәк зоракылығын гаршысыны алмаг кими бәһанләрдән истифадә едә билмәјәҹәк.
Диггәт: Хәбәрдән истифадә етдикдә мәнбәјә истинад лазымдыр
