Иран вә 5+1 арасында нүвә мүзакирәләринин jекун мүштәрәк бәjанаты

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Иран вә 5+1 Групунун нүвә мүзакирәләринин jекун мүштәрәк бәjанаты ҹүмә ахшамы ҝеҹә Исвечрәнин Лозанна Университетиндә Иран хариҹи ишләр назири Мәһәммәд Ҹавад Зәриф вә Авропа Бирлиjинин хариҹи сиjасәт мәсәләләри үзрә координатору Федерика Моҝерини тәрәфиндән охунду.
Сәһәр Беjнәлхалг Телевизиjасынын ИРНА-jа истинадла вердиjи мәлумата ҝөрә, бу бәjаната әсасән мөвҹуд һәлл jоллары чәрчивәсиндә Иранын нүвә програмы илә әлагәдар һеч бир обjектинин фәалиjjәти даjандырылмыр вә jахуд тәхирә салынмыр вә Иранын Нәтәнз, Фордо, Исфаһан вә Әрак кими бүтүн нүвә обjектләриндә нүвә фәалиjjәтләри давам едәҹәк.
Бу jекун һәл jоллары Иран дахилиндә зәнҝинләшдирмә програмынын давамына зәманәт верир вә Иран Ислам Республикасы Јекун Мүштәрәк Тәшәббүс Програмынын мүддәаларына әсасән нүвә стансиjаларынын jанаҹағынын тәмин олунмасы үчүн өз нүвә jанаҹағы сәнаjесини давам етдирәҹәк.
Һәмчинин Иран нүвә jанаҹағы обjектләринин истеһсалы вә уранын сатын алынмасы гаршылығында онун беjнәлхалг базарлара ихраҹы үчүн зәнҝинләшдирилмиш мөвҹуд еһтиjатлары аjыра биләҹәкдир.
Әлдә олунан һәлл jолларына әсасән Фордо нүвә обjекти модерн нүвә вә физика тәдгигат мәркәзинә чевриләҹәк вә һәмчинин Фордо обjектинин jарысы 5+1 Групунун бәзи өлкәләринин әмәкдашлығы илә модерн нүвә тәдгигатлары вә сәнаjе, кәнд тәсәррүфаты вә тибб саһәләриндә өнәмли истифадәjә малик давамлы изотопларын истеһсалы үчүн аjрылаҹагдыр.
Мөвҹуд һәлл jолларына әсасән, Әрак Ағыр Су Тәдгигат Реактору галаҹаг вә дизаjны jениләшдириләрәк jүксәлдиләҹәк вә модернләшәҹәк.
Һәмчинин Иран шәффафлыг вә етимадын jарадылмасы истигамәтиндә көнүллү шәкилдә әлавә протоколу мүвәггәти иҹра едәҹәк вә бу протоколун тәсдигләнмәси просесинин давамында бир заман ҹәдвәли әсасында президент вә Ислам Шурасы Мәҹлисинин сәлаһиjjәтләри чәрчивәсиндә тәсдигләнәҹәкдир.
Әлдә олунан һәлл jолларына әсасән jекун мүштәрәк тәшәббүс програмы иҹра олундугдан сонра, Тәһлүкәсизлик Шурасынын бүтүн гәтнамәләри ләғв олунаҹаг вә Авропанын нечәтәрәфли вә Американын биртәрәфли бүтүн малиjjә вә игтисади санксиjалары, о ҹүмләдән банк, сығорта, инвестисиjа вә онунла әлагәдар бүтүн хидмәтләр, нефт, газ, нефт-кимjа вә автомобилгаjырма секторларына тәтбиг олунан санксиjалар дәрһал ләғв олунаҹаг.
Һәмчинин Иранын нүвә програмы илә әлагәдар һүгуги вә физики шәхсләр, тәшкилатлар, дөвләт вә өзәл гурумлар, о ҹүмләдән Мәркәзи Банк, диҝәр малиjjә вә банк мүәссисәләри, СWЫФТ, Иран Ислам Республикасынын ҝәмичилик вә тәjjарә, нефт танкерләринә тәтбиг олунан санксиjалар һәртәрәфли шәкилдә дәрһал ләғв олунаҹаг.
Һәмчинин 5+1 Групуна үзв өлкәләр нүвә мәсәләсиндә jени санксиjалар тәтбиг етмәкдән чәкинмәк үзрә өһдәлик ҝөтүрүбләр.
Мүзакирәләрин бу мәрһәләсинин jекунлашмасы илә Јекун Мүштәрәк Тәшәббүс Програмынын илкин мәтнинин 1 иjула гәдәр jазылмасына jахын ҝәләҹәкдә башланаҹагдыр. Мәтнин jекунлашмасы илә Јекун Мүштәрәк Тәшәббүс Програмы бир гәтнамә чәрчивәсиндә БМТ Тәһлүкәсизлик Шурасында тәсдигләнәҹәкдир.
Диггәт: Хәбәрдән истифадә етдикдә мәнбәjә истинад лазымдыр