Исламчылар Јәмәндә баш верәнләрлә бағлы бәjанат jаjыб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Ислам Партиjасы Јәмәндә баш верәнләрлә бағлы бәjанат jаjыб. ФактХәбәр-ин вердиjи мәлумата ҝөрә, бу барәдә АИП Мәтбуат Хидмәти билдириб. Бәjанатда деjилир:

Азәрбаjҹан халгы, хүсусән, өлкәмизин дини ҹамеәси Јәмән халгына гаршы баш верән әдаләтсизликдән ҹидди нараһатдыр. Биз бәjан едирик ки, гадын, гоҹа, көрпәләрин әрәб коалисиjасы ады алтында силаһлы гүвәләрин бомбардманы нәтиҹәсиндә гәтлә jетирилмәсини бәшәри ҹинаjәт һесаб едир, ганлы әмәлләринин беjнәлхалг аләмдә ҹавабдеһлик дашыjаҹагларыны билдиририк.
Он илләрлә әрәб халгларыны әсарәтдә сахламаға ҹан атан, Фәләстинин мәзлум мүнсәлман көрпәләрини соjгырыма мәруз гоjан ишғалчы, ҹинаjәткар Исраил режиминин төрәтдикләринә ҝөз jуман бу әрәб коалисиjасы, башда деспотик режимин һөкм сүрдүjү Сәудиjjә Әрәбистанынын рәһбәрлиjи өзүнүн Гәрбә, АБШ-а нөкәрчилик мисиjасыны ҹанла-башла jеринә jетирәрәк азадлыгсевәр мүсәлман гардашларыны ҝөjдән бомбаламагла дүнjа мүсәлманларыны һеjрәтдә гоjур, тәәҹҹүбләндирир.
Ҝөрүнүр, мүсәлман өлкәләриндә диктатура режимләринә гаршы мүбаризә апарараг өз милли һөкумәтләрини, милли дөвләтчиликләрини гурмаг истәjи вә ҹәһди илә чарпышанларын ингилаби һәрәкатлары Американы, еjни заманда һакимиjjәтә һәрис, сәрвәт дүшкүнү олан крал аиләләрини нараһат етмәкдә, ҹидди тәшвишә салмагдадыр. Јенилиjи, һагга тапынан гүввәләри, халгларынын инкишафыны һәр шеjдән үстүн тутан мүҹаһид инсанлары, вәтәнпәвәр гәбиләләри бешиjиндә боғмаг истәjи Гәрбин, АБШ-ын сиjаси, стратежи марагларындан ирәли ҝәлән мәсәләләрдир.
Јәмәндә Мәнсур әл-Һадинин диктатура режиминин деврилмәси һәтта БМТ Тәһлүкәсизлик Шурасыны, бир нечә өлкә истисна олмагла, нараһат етмәjә башлаjыб. Америкапәрәст гүввәләрин мүсәлманларын гәтлиамында мараглы олдуглары шәксиздир. Бир сыра әрәб өлкәләринин әдаләтсиз, өз халгларына дүшмән кәсилән һакимләри дә күрсүләрини зүлм һесабына горумаг үчүн онларын диктәсини jеринә jетирир, һакимиjjәтләринә гаршы jөнәлән тәһлүкәләрин гаршысыны алмаг үчүн ингилабларын баш галдырдығы өлкәләрин халглары илә әдаләтсиз мүһарибәjә рәваҹ верирләр.
Азәрбаjҹан Ислам Партиjасы, башда Сәудиjjә Әрәбистаны олмагла. Фарс көрфәзи өлкәләрини мүсәлман дүнjасына хәҹаләт вә утанҹ ҝәтирән бу ҹинаjәткар әмәлләрдән чәкинмәjи, империjалара гуллуг хидмәтиндән jаха гуртармағы, халгларынын сәрвәтләрини горумағы, етимадларыны газанараг мәһв олмагдан гутулмағы тәләб едир. Унутмаг олмаз ки, халгына арха чевирәрәк ону әзән, мүсәлман гардашынын үзәринә ҝөjдән бомба jағдыранлары Мүәммар Гәддафинин талеjи ҝөзләjир. Бир даһа бәjан едирик бу фаҹиәли сонлуғу истәмәjәнләр Јәмән халгына гаршы әдаләтсиз мүһарибәjә, әрәб, мүсәлман көрпәләринин ганыны ахытмаға сон гоjмалыдырлар.
Диггәт: Хәбәрдән истифадә етдикдә мәнбәjә истинад лазымдыр