Лозан мүзакирәләри 8-ҹи ҝүнә дахил олду

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Лозан мүзакирәләри 8-ҹи ҝүнә дахил олду
Иран вә Алтылыг групуна үзв өлкәләрин хариҹи ишләр назирләри чәршәнбә сәһәрә гәдәр даjандырылды вә Лозанда мәсләһәтләшмәләр 8-ҹи ҝүнә дахил олуб.
Сәһәр Беjнәлхалг Телевизиjасынын Фарс Хәбәр Аҝентлиjинә истинадла вердиjи мәлумата ҝөрә, Иран вә 5+1 Групуна үзв өлкәләрин хариҹи ишләр назирләринин иҹласы чәршәнбә ахшамы ҝеҹә даjандырылыб вә нүвә мәсләһәтләшмәләри Лозанда jерли вахтла саат 06:00-дан jенидән башламалыдыр.
Назирләрин иҹласы исә jерли вахтла саат 08:30-да башлаjаҹаг.
Иран вә 5+1 Групуна үзв өлкәләрин (Чин хариҹи ишләр назири олмадан) хариҹи ишләр назирләринин сон тур мүзакирәләри тәхминән 3 саат jарым давам едиб.
Иран хариҹи ишләр назири Мәһәммәд Ҹавад Зәриф журналистләрә вердиjи мүсаһибәдә билдириб: Чәршәнбә ахшамы ҝүнү сәһәрдән бүтүн һеjәтләр мүзакирә апардылар вә бүтүн фүрсәтдән истифадә етдик.
Данышыгларда чох jахшы ирәлиләjишин олдуғуну билдирән Зәриф үмидварлыг едиб ки, jекун анлашма мәтнинин jазылмасы просесинә башланаҹаг.
Мүзакирәләрдә олмаjан назирләр Чин вә Франса хариҹи ишләр назирләридир.
Бәзи мәнбәләрин билдирдиjинә ҝөрә, Чин хариҹи ишләр назиринин мүавини Чин Халг Республикасы тәрәфиндән еһтимал олунан анлашманы имзалаjаҹагдыр.
Фабиус да билдириб ки, лазым олдуғу һалда мүзакирәләрә гатылаҹаг.
Гәрб рәсмиләри өтән ҝеҹәки мүзакирәләр барәдә ачыглама вермәjибләр.
Лакин Франса Информасиjа Аҝентлиjи бир Америка рәсмисинә истинадла билдириб ки, ихтилафлар һәлә галыб.
Сионист Һааретс гәзетинин мүхбири АБШ дөвләт катиби Ҹон Керри илә Обама арасында данышыглар просесиндә видео-конфрансла әлагә jарадылдығыны билдириб. Керри мүзакирәләрин сон просеси барәдә Обаманы мәлуматландырыб. Билдирилиб ки, әлагә үчүн тәһлүкәсизлик хәттиндән истифадә олунуб.
Диггәт: Хәбәрдән истифадә етдикдә мәнбәjә истинад лазымдыр