Могерини: "Алтылыг" вә Иран разылашмаjа бу гәдәр jахын олмаjыб"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Беjнәлхалг бирлик вә Иран һәлә индиjәдәк нүвә програмы илә бағлы разылыға бу гәдәр jахын олмаjыб
"Репорт" "Интерфах"а истинадән хәбәр верир ки, бу барәдә шәнбә ҝүнү Авропа Иттифагынын хариҹи ишләр вә тәһлүкәсизлик сиjасәти үзрә али нүмаjәндәси Федерика Могерини мәлумат вериб.
"Биз һеч вахт сон һәфтәләрдәки кими сөвдәләшмәjә бу гәдәр jахын олмамышыг", – деjә беjнәлхалг "алтылыг" вә Иран арасында данышыглар апармаг үчүн Лозаннаjа ҝәлән АИ дипломаты билдириб.
"Бизим Иранын нүвә силаһы һазырламамасы, лакин еjни заманда өз динҹ програмыны һәjата кечирә билмәсинә даир сазиш әлдә етмәк үчүн үзәриндә ишләмәли олдуғумуз проблемләр галыб", – деjә тәфәррүатлары ачыгламагдан имтина едән Могерини геjд едиб.
Диггәт: Хәбәрдән истифадә етдикдә мәнбәjә истинад лазымдыр