Исвечрәдә нүвә мүзакирәләри давам едир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран хариҹи ишләр назири вә АБШ дөвләт катиби Исвечрәнин Лозан шәһәриндә нүвә данышыгларыны изләjирләр
Сәһәр Беjнәлхалг Телевизиjасынын ИРНА-jа истинадлы мәлуматына ҝөрә, ҹүмә ҝүнү ҝүнортадан сонра мүзакирәләрдә Иран хариҹи ишләр назири Мәһәммәд Ҹавад Зәриф вә АБШ дөвләт катиби Ҹон Керри Исвечрәнин Лозан шәһәриндә ихтилафлы мәсәләләрин һәлл jолунун тапылмасы үчүн нүвә данышгларынын 4-ҹү туруну изләjибләр.
Зәриф-Керри мүзакирәләриндә Иран хариҹи ишләр назиринин мүавинләри Сеjид Аббас Ирагчы вә Мәҹид Тәхт Рәванчи, Иран президентинин хүсуси көмәкчиси Һүсеjн Фирудин, АБШ дөвләт катибинин мүавини Венди Шерман вә Авропа Бирлиjинин хариҹи сиjасәт мәсәләләри үзрә координаторунун мүавини Һелга Шмидт иштирак едибләр.
Иран хариҹи ишләр назири бу тур данышыглардан сонра билдириб ки, онлар тәзjиг вә сиjаси ирадә арасындан бирини сечмәлидирләр.
Иран хариҹи ишләр назири билдириб: Мүзакирәләр давам едир, биз ишләмәкдәjик вә иш чох чәтиндир.
Зәриф мүзакирәләр кәнарында атмосферин jарадылмасыны гаршы тәрәфин һәмишәки програмларындан бири адландырыб вә деjиб: Һеч вахт бу сөзләрә диггәт jетирмирик.
Иран хариҹи ишләр назири мүзакирәләрдә никбинлиjин ифадә олунмасы илә әлагәдар хәбәр мәнбәләринин прогнозлары вә Ираны исә еһтиjатланмасы илә әлагәдар суала ҹавабда деjиб: Биз һеч вахт jахын мәнбәләрә истинадла ирәли сүрүлән сөзләрә диггәт jетирмирик.
Зәриф вә Керринин мүзакирәләринин 3-ҹү турунун сона чатмасы илә Иран вә Чин хариҹи ишләр назирләри дә мүзакирә вә мәсләһәтләшмәләр апарыблар.
Сеjид Аббас Ирагчы вә Мәҹид Тәхт Рәванчи Јанг И илә мәсләһәтләшмәдә ихтилафлы һаллар вә тәклиф олунан һәлл jолларыны арашдырыблар.
Иранын нүвә мүзакирә һеjәтинин баш үзвү Сеjид Аббас Ирагчы бу мүзакирәләрдән сонра деjиб: Бу һеjәт һал-һазырда мүзакирәләрин чәршәнбә ахшамы ҝүнүнә гәдәр мүддәтинин узадылмасыны дүшүнмүр.
Иранлы мүзакирәчи Алтылыг групуна үзв диҝәр өлкәләрин хариҹи ишләр назирләринин иштиракы барәдә суалы ҹавабландырараг деjиб: Бәзи назирләр сабаһ шәнбә, диҝәрләри исә базар ҝүнү ҝәләҹәкләр.
Иранын нүвә мүзакирә һеjәтинин баш үзвү вурғулаjыб: Лазым олдуғу замана гәдәр бурада галаҹағыг вә мәсәләләри ирәлиләтмәjә чалышырыг.
Иранла Алтылар арасында нүвә мүзакирәләринин jени туру өтән чәршәнбә ҝүнүндән Иран хариҹи ишләр назири, АБШ дөвләт катиби вә Авропа Бирлиjинин хариҹи сиjасәт мәсәләләри үзрә координаторунун мүавинләринин иштиракы илә Лозан шәһәриндә башланды.
Иран вә Алтылыг Групунун анлашманы әлдә етмәк үчүн 2015-ҹи ил 31 марта гәдәр вахтлары вардыр.
Диггәт: Хәбәрдән истифадә етдикдә мәнбәjә истинад лазымдыр