Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Ирагын мүдафиә назири деjиб ки, Тикрит һазырда ираглы гүввәләр үчүн әлчатыласыдыр вә минимум хәрҹлә ону азад етмәjә чалышырыг.
Әлаләм телеканалынын мәлуматына ҝөрә, ираглы гүввәләр Әл-Анбар вилаjәтинин мәркәзи олан Әл-Рәмади шәһәринин гәрбиндәки Әл-Сәҹариjjә мәнтәгәсини ИШИД груплашмасындан ҝери алыб вә jоллары ачмаға вә бу jолларда мөвҹуд олан бомбалары зәрәрсизләшдирмәjә мүвәффәг ола билибләр.
Бу мәлумата ҝөрә, Әл-Сәҹариjjә мәнтәгәси бу гуплашма үзвләринин jерләшдикләри бир мәкан иди вә һазырда мүштәрәк ираглы гүввәләрин ихтиjарындадыр. Бу груплашманын онларла үзвү һәмин әмәлиjjатда өлдүрүлүб. ИШИД үзвләри jашаjыш биналарында бир нечә Гуранда бомба jерләшдирибмишләр ки, мүтәхәссисләр тәрәфиндән зәрәрсизләшдирилибдир. Диҝәр тәрәфдән, Ирагын тәһлүкәсизлик гүввәләринин jени һәрби сурсатлары Тикритин әтрафына дахил олуб вә ираглы рәсмиләрдән биринин дедиjинә ҝөрә, бу өлкә гүввәләри һәмин сурсатлардан истифадә едәрәк, ИШИД-ин мүһасирәсини даралда биләҹәкләр ки, шәһәр мәркәзинә һүҹума шәраит jарансын.
Башга бир тәрәфдән, Ирагын дахили ишләр назири Мәһәммәд Әлғәбан деjиб ки, тәһлүкәсизлик гүввәләри мүлкиләрин Тикритдән чыхмаларына имкан jаратмагдадырлар. Ирагын мүдафиә назири Халид Әлбәиди дә Әлаләм мүхбиринә деjиб ки, Тикрит тамамилә мүһасирәдәдир. Тикрит һазырда бизим үчүн әлчатыласыдыр вә биз истәдиjимиз вахт Тикритә ҝирә биләрик, амма бу аддым мүмкүн олан минимум хәсарәтлә атылсын.
ИШИД террор груплашмасы Ирагын шималында jерләшән Неjнәва вилаjәтинин гәрбиндәки Сәнҹар мәнтәгәсиндә пешмәрҝә гүввәләринә һүҹум едибләр. Пешмәрҝә гүввәләри илә әлагәдар мәнбәләр деjирләр ки, бу мәнтәгәдә дөjүшләр икигат узаныб вә ИШИД үзвләриндән сәккиз нәфәр өлдүрүлүб.
Неjнәва чөлүндә jерләшән Бәишигә мәнтәгәсиндә ИШИД-чиләрин jерләшдикләри мәкана гаршы һава һүҹумларында 26 ИШИД-чи өлдүрүлүб. ИШИД дә Тәләфәрдә дөjүшдән чәкинмәк иттиһамы үзвләриндән 13-нү едам едиб.
Әлаләм мүхбири әлавә едиб: Сәлаһәддин вилаjәтиндә jерләшән Спаjҝер базасындакы гырғынла бағлы күтләви мәзарлығын ашкарланмасындан сонра Ираг дөвләти ҹинаjәт әламәтләринин мәһв олмасынын гаршысынын алынмасы мәгсәдилә бу гәбирләрин мүһафизәси вә онда тәдбирсиз газынтылардан чәкинилмәсини истәjиб.
Халг гүввәләринин башчылары деjирләр ки, Тикритдә вә онун әтрафында ИШИД-ә вә БӘӘС партиjасы үзвләринә аид онларла күтләви гәбир ашкарланыб. ИШИД вә БӘӘС партиjасы үзвләри Спаjҝер базасында Ирагын Һава Гүввәләринин онларла тәләбәсини едам едибләр.
Диггәт: Хәбәрдән истифадә етдикдә мәнбәjә истинад лазымдыр
23 mart 2015 - 08:30
Xəbər kodu: 678487
Ирагын мүдафиә назири деjиб ки, Тикрит һазырда ираглы гүввәләр үчүн әлчатыласыдыр вә минимум хәрҹлә ону азад етмәjә чалышырыг.
