ИШИД-дән горхунҹ план: 1,5 милjон инсан ҹанлы галхан олаҹаг

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ираг ордусу Тикрит шәһәрини ИШИД-дән хилас етмәjә чалышдығы бир вахтда террор тәшкилаты Мосулда дөjүшә һазырлашыр
Шәһәр әтрафында хәндәкләр газылыб, инсанларын шәһәрдән чыхмасы гадаған едилиб.
Мәлумата ҝөрә, ИШИД Мосул үчүн өлүм-дирим дөjүшүндә шәһәрин 1,5 милjон әһалисиндән ҹанлы галхан кими истифадә етмәjә һазырлашыр. Мосул бәләдиjjәсинин бир ишчиси ИШИД-ин бәләдиjjәнин  автомобилләриндән истифадә едәрәк шәһәрин әсас ҝиришләриндә истеһкамлар гурдуғуну, jолларда партлаjыҹылар jерләшдирдиjини билдириб.
Мосул әһалисини ән чох горхудан мәсәлә шәһәрдән чыха билмәмәсидир. Мәлумата ҝөрә, jалныз хәстә инсанлар Мосул хәстәханаларында мүалиҹәсинин геjри-мүмкүн олдуғуну сүбут едәндән сонра шәһәрдән чыха билир. Сағлам инсанларын исә шәһәрдән чыхмасы һеч бир һалда мүмкүн деjил.
Диггәт: Хәбәрдән истифадә етдикдә мәнбәjә истинад лазымдыр